İslomi İnğılobi Yolə Rəhbər:istehsol çı ixtisodi problemon həlli kilide

İslomi İnğılobi Yolə Rəhbər:istehsol çı ixtisodi problemon həlli kilide

İslomi İnğılobi Yolə Rəhbər:istehsol çı ixtisodi problemon həlli kilide

İslomi İnğılobi Ali Məğaminə Rəhbər de prezdent iyən 14-ə hukuməti miyono bərpo bıə iminə didoədə bənə inflyasiya və ğıyməton rost bey bıə ani prioriteton əməl bey,kiber məkonədə ğanuni idorətəçəti zəruriyyət və bə istehsoli dığğəti bıə muhimmə məğamonış bə zıvon vardə və ımonış çı ixtisodi problemon həlli kilidış zınə.

İslomi İnğılobi Ali Məğaminə Rəhbər Həzrət Ayətullah Xameneyi milləti əzəmətinə Ərbəyini hərəkotış tərif və şərofətin zınə iyən de hukuməti haftə təbrik votə holədə,bə xalği xıdmət kardey iyən bo kişfəri tərəğğiro səy nışon doey fırsətış çe Xıdovəndi yolə nemətış hisob karde və əlovəşon karde:Xıdo ın əmonəti iyən milləti ğədri bızınən və bızınən ki,bə milləti 4 sornə xıdmət de elektrik və vo surəti dəbəvarde;Təbiyiye ki,bın mıddəti ərzədə dıjdə koon vindey bəbe.

İslomi İnğılobi Ali Məğaminə Rəhbər İroni millətış dahiyon perosnieydə ğadir zıneşe və de bənə Xacə Nəsirəddin Tusi,İbn Sina,Molla Sədra və Zəkəriyyə Razi bıə məşhurə şəxsiyyəton işorə kardə holədə voteşone:ımon çe İroni xalği oxoş nıbə intellektualə imkonon nışonəy və ısət həm çe kişfəri həmonə istedodinə cıvonon perosney imkonış heste.İroni siyosi imkonon,strateji nığıləti və reqiyonal ğudrətış aşmarde və əlovəş karde:oxonə 45 sornə mısbət və mənfi təcrubəon nəzədə qətey lozım bıə həmməysə erjinə məğamonkuye.Həzrət Ayətullah Xameneyi məhdud resurson və imkonon və vədə mandə ziyodə vəzifəon bə nəzə sıə holədə və bə prioriteton rioyət kardey dığğət kardə holədə əlovəş karde:Bəzi prioriteton inflyasiya və ğıyməton rost bey de aktual məsələon anqıle ki,ım həm dırıst həll bıənine,lakin bəziyon prioriteton həm bə infrastruktur məsələon ayide ki,ımon ımruj çe dığğətiku bə kəno bımando,bəpe 10 sor bədiqə noçorən ın ko bino kardey lozıme.

Ə həzrət atom enerji bo kişfəri ayəndəro infrastruktur və muhimmə prioritetonku qıləyniş hisob karde və de çəy foydəon əloğədor kali şubhəon rədd kardə holədə bəyonış karde:kişfər ıştəni dınyoədə elmi-texniki və navəşənə məsələonku məhrum kardey nibəzıne və çın royku bə dumo mandey bədiqə,peşonə soronədə bəpe çəy bino kardey dumo bıbon.

İslomi İnğılobi Yolə Rəhbər hukuməti şimol-cənub və şərğ-ğərbi roon təmom bey planonış çe kişfəri muhimmə prioritetonış zıne və əlovəşon karde:Ərzaği əmniyyəti məsələ,de qandımi ıştəni təmin kardey,di təsərrufoti nuyə ov doey usulon,di təsərrufoti sahəon inkişof,nat iyən ğazi hosiloti de nuyə usulon tətbiğ və mumkin ğədər obyektonku istifodə kardey,həmçinin jinə sektoronədə mıxtəlif və ziyodə məhsulon istehsolı çe kişfəri vədə mandə digər muhimmə prioritetonin.

Ə həzrət çe kişfəri ixtisodi problemononış istehsolədə həll kardey və zumand kardeyış əsos hisob karde və voteşe:İstehsoli zumand kardey və bə ın məsələ ciddi nəzə kardey inflyasiya,məşğuləti və milli valyutə erji problemlemon həll bəbe.Həzrət Ayətullah Xameneyi,de prezdenti Vəziron Kabineti anqıl çandə qılə məsləhəton izoh kardə holədə,hamyeşone:bandə çəvonku kali qıləyni zıneydəbim və ya bəçəvon xususiyyəton əmin bıə bəzi nomon etiborinə mənbəonku təsdığ kardıme və lakin ziyodə rəğəmon həxədə qıləy fikim nıbeki,əvon həm parlamentışon ğane kardey zınə və çe etımodi sədoşon sey zınə.

İslomi İnğılobi Yolə Rəhbər:ımruj prezdent və çe parlamenti etımod nışon doə həmmə mehtərəmə vəziron çe kişfəri barzə rutbəynə məmuronin və har kəsi vəzifə bəvon dastək doey və boçəvon səbarzətiro komək kardeye.