İroni prezidentəti vıjnımonədə iştirak əkə namzədon səlahiyyəti təhğiğ karde təşkil be.

Bə əsosə ğanoni nəzorətəkə şura sıxanəvoti votışe: 1 minnə rəsmiyə təhğiğon ironi prezidentəti vıjnımonədə bıə namzədon səlahiyyətiyu zinə təşkil bə.

Bə telerədyo aqentəti jurnalisti xəbon əsosi ironədə bə əsosə ğanonon nəzorətəkə şura sıxanəvot Əbbasəli Kədxodayi zinə işarəş karde ki bə ğanoni əsosi prezidentəti vıjnımonədə namzədon nom nıvışte 5 rujə vaxti bəpeştə omidım heste ki  karde bıznəmon həminə əvvəliyə fursətdə iştirakəkə namzədon səlahiyyəti nəticon həm elan karde.

Kədxodayi votışe: vıjnımoni har devrədə çı ə kəson ki çəvon səlahiyyət təsdiğ bə ya rəd tojə devrədə tojədən çəvon səlahiyyəti barədə təhğiğ bəbe.