Ruhani:dınyo bəzi hərbiyə ğıvvon terarizm iyən devləton peqordımon karde tərəfdarin.

İron İslam Respublika prezidenti votışe:dınyo bəzi hərbiyə ğıvvon nom coqlə məmləkəton daxiliyə koonədə bə arə dəşe tum bıriye terarizmiku mudafiyə karde devləton peqordımon bə milləti bovə iyən ğanoni etina nıkarde bə yod dəğandedə əmmo İron İslam Respublika hərbiyə ğıvvəku həmmişə de çoki yod bedə.

İron İslam Respublika president Həsən Ruhani ımruj sıb İron İslam Respublika silahlinə ğıvvon ruji mərasimədə tehronədə  İron İslam Respublika təsisəkə mərhum imom Xomeyni pokə hərəmi kənoədə ımruji təbrik voteədə əlavəş karde ironi silahlinə ğıvvon nəzm imon və ğanoni çərçivədə məmləkətiku mudafiyə karde iyən ğanon və milliyə faydon iyən məsləhəton çərçivədə hərəkət karde bə yod dəğandedə.

president Ruhani əlavəş karde İron həmmişə problemonku doəro mandəy əmmo eyne holədə cokəson fitnəqərə hərəkəton vədə ıştə huşinbeş hifz kardə və ruj bə ruj həm ıştə mudafiyə ğıvvə inkişaf dodə.

İron İslam Respublika prezidenti işarəş karde ironi silahlinə ğıvvon hucuməkə nin və nışonışon doə ki təcavuzkaron vədə çəxtə ciddi və zumand ironiku mudafiyə bəkan.

president Ruhani votışe: İron islam respublika silahlinə ğıvvon imon ilahiyə niyyəton isar conbozəti və fədakarəti xosiyətışon heste və əlavəş karde kamə  məmləkətonədə ım xosiyətışon heste və heç qılə ğıvvə və silah iyən imkon ironi silahlinə ğıvvon imon və iradə vırə əqət ni.

İron İslam Respublika prezidenti sıxanon bəpeştə ironi zəmini deyo iyən həvo silahlinə ğıvvon parad mərasimışon dəvoni.

ımruj 3 şanbə İron İslam Respublika hərbiyə ğıvvon əzəmətin qəte iyən çəvon ğəhrəmanətionku yod karde ruje.