Prezdent Pezeşkiyanı 1 minnə xəbəriyə iclos

İron İslom Respublika prezdent ıştə 1 minnə xəbəriyə iclosədə sanksiyaon peqəteyu bə muzakiron dəvomi işarəş karde və de hamsuyon rabitə inkişof doeyu bə İron İslom Respublika siyasəton təkidış karde.

İron İslom Respublika prezdent ıştə 1 minnə xəbəriyə iclosədə sanksiyaon peqəteyu bə muzakiron dəvomi işarəş karde və de hamsuyon rabitə inkişof doeyu bə İron İslom Respublika siyasəton təkidış karde.

Bə İRNA xəbəron əsosi İron İslom Respublika prezdent Məsud Pezeşkiyan zinə ıştə 1 minnə xəbəriyə iclosədə ki de 300 qılə daxili və xariciyə mediyaon bərpo be, İroni xariciyə siyasətədə bə hamsuyon erj və əhəmmiyyəti işarəş karde və bə yodış dəğande ki həmməysə veyə rabitə de Rusiyə və Çine və əlovəş karde ə ko ki Çin, İron və Səudiyə Ərəbıstonı miyonədə rabitə bərpo kardeyu iyən problemon həlliyu əncomış doə, məntəğədə həmohənqətiyu qıləy yolə ğədəm be.

İron İslom Respublika prezdent İron və Tırkiyə rabitə həxədə votışe: Tırkiyə, ironi dust və bıvə məmləkəte və ım məmləkəti sərmayə noəkəson huzuriku ironədə roziye və 2 tərəfə həmkoətion inkişofiku himoyə bəkay.

Pezeşkiyan dəvomədə, sionist rejimi ğəzzədə əncom doə cinayətonış məhkum karde və ım məsələ vədə coqlə məmləkəton sakit mandeku tənğidış karde.