Pezeşkiyan Nyu-Yorkədə votışe:ironi mesaj dınyo sulh və əmniyyəte.

İron İslom Respublika prezdent bə Nyu York daxil bə vaxti , ki İ bə milləton təşkiloti umumiyə asambleya iclosədə iştirok kardeyu əncom bə, təkidış karde ironi mesaj dınyoədə sulh və əmniyyəte.

İron İslom Respublika prezdent bə Nyu York daxil bə vaxti , ki İ bə milləton təşkiloti umumiyə asambleya iclosədə iştirok kardeyu əncom bə, təkidış karde ironi mesaj dınyoədə sulh və əmniyyəte.

Bə İRNA  xəbəron əsosi İron İslom Respublika prezdent Məsud Pezeşkiyan bə Nyu york daxil bə vaxti ım suali cəvobədə ki de xariciyə rəsmi şəxson  icloson və vindımononədə həmməysə muhimmə məsəlon ki pidəne bəyon bıkən çiçe  jıqo cəvobış do: əviki oşkoye ə mesaje ki ironi tərəfo dınyo sulh və əmniyyətiyu hestıme və ə şuari bə nəticə rosneye ki İ bə milləton təşkilat ımsur, sulh və de inkişof bərobər bıə tale həxədə millətiyu elonış kardə.

Pezeşkiyan təkidış karde xun ekarde, canq və ğətliamı əvəzi bəpe qıləy dınyo bısoxtəmon ki həmmə insonon karde bıznon əyo har qılə ranq, millət və toyfə nəzədə qəteku kəno rohət bıjiyon, əmmo de təəssıfi ısət  ə dınyo ki bəvədə jidəmon jıqo ni və 2 dimə standardonədə i dastə çok və i dastə bevəc jidən və ım bino bə problemon nəticədəy.