İslomi Vəhdəti Konfrans
İslomi Vəhdəti Konfrans
Umumdınyo İslomi Məzhəbon Nezbey Assambleyə sər katib huccətul-islom vəlmuslimin Şəhriyari voteşe:bın dəvardə çıl sori dırozi çəmə Vəhdəti Konfransədə bıə fundamental iyən əsosə hədəf,İslomi camiyə bə Ğıroni ideyalə məfhumon səmt hərəkət bıko ta çe İslomi kişfəron marzon kamranq bıbu, İslomi vohidə pul rəvoc pəydoko iyən qıləy vohidə məclis ki,mıştərək iyən umumi ğanunon bə ratifikasiyə rosney bızıno,bın İttifoğədə fəol bıbu”.
Avstraliyə Muftiyon rəyis Əbdulğuddus Ələzhəri ıştə sıxanonədə çe yəhudiyon ifrotçəti həxədə jıqo votedə:”çe yəhudiyon ifrotçəti torıx nığıle iyən qırd torıxi dırozi çəvon ın məkrinə planon çe pəyğombəri(s) zəmoniku jıqoşə ğeyd bıə.İslomi dışmenon zəhrinə fikon pevolo kardedən iyən mısılmınon miyono çe təfrığə donə peşandedən”.
Amerkəku bıə mehmon iyən Umumdınyo İslomi Məzhəbon Nezbey Assambleyə Ali Şurə uzv bıə Muhəmməd Əlasi bın konfransədə co leksiyə handə kəsonku qıləyni be.əv,ıştə sıxanon i başxədə jıqoş vote:”jıqo qıləy de problemi pur bıə şərayitədə mısılmonə millət de Xıdovəndi koməqi əmə torıxıku qıləy nuyə səyfəon oj kardey bəzınemon.fələstinədə bıə çiyon deəmə sıxan votedə.bın sərzəminədə zumandə mərdumon jimon kardedən.bə Kərimə-Ğıronədə zikr bıə çiyon əsos iyən çəmə vəzifə hukm kardedə ki, əmə bəpe məzlumi himoyəkəmon.çe mısılmınon miyono dı tərəfinə ehtırom bə vəhdəti amili boyis bey bəzıne”.
İrağiku bıə çe Muhəmmədi rabitə alimon şurə rəyis Əbdulğadir Alusi ıştə sıxanonədə bə mısılmınon miyono veyə rabitə iyən diyaloqi təkidışon karde və voteşone:”mı çın konfransiku piyedəme ta İslomi vəhdəti mıbəllığon çe mısılmınon miyono mızokirə bıkon və ta çımisə ziyodə əmə bə İslomi umməti vəhdəti şoyd bıbəmon.bəpe səykəmon bo İslomi vəhdəti cəhətədə de İslomi şəxsiyyəton ıştə rabitə oqətəmon”.
Yəməni mufti bıə şeyx Şəmsuddin Şərəfuddin həm bə ın məsələ təkid kardedə ki,”çəmə dışmen çe şiyə de sınni miyono hiç qıləy farğ noydəni.həm çəmə əhlı-sınnəti bıvon Ğəzzədə iyən həm çəmə Livanədə bıə şiyon və hakəs ki,çəvon ziyodə tələbəti vədə bımando,əvon əy hədəf ğərol doydən”.
Şeyx Şərəfuddin bo bə Fələstıni milləti koməq kardero bə Yəmən,Suriyə,İrağ iyən sayir vıronku sadir bıə fətvoon işorə kardə holədə,çe İslomi hukumətonku tələbış karde ki,ın sukuti darışton və bo de ın rejimi ıştə rabitəon normal kardey dumo nıbon.
