Bəsicion vindımonədə islami inğilabi yolə rəhbəri bəyonoton.
İron İslam Respublika yolə rəhbəri votışe: bə ironi zid bu 10 sori mıddət sanqsiyaon dəvom de ğətiyyəti ironi atom məsələ həl kardeyu təşkil bə təvafuği ləğv kardey.
İslami inğilabi yolə rəhbər həzrət ayətullah Əl-uzma Xamenei zinə ironi mıxtəlif vıronku bəsic ğıvvə fərmondəon iyən bəsicion vindımonədə Amerkə kanqıresdə bə ironi zid bu 10 sori mıddət sanqsiyaon dəvom pəydo karde barədə işarəş karde və votışe:Amerkə ıştənə devlət atom təvafuği macəraədə mıxtəlif təxəllufış kardə ki çəy tojə qılə bə ironi zid 10 sorə sanqsiyaon dəvom pəydo kardey.
islami inğilabi yolə rəhbəri əlavəş karde:əqər ım sanqsiyaon təşkil bıbon de ğətiyyəti atom məsələ həl kardeyu təşkil bə təvafuği ləğv karde bə hisob omedə və bıznon ki de ğətiyyəti islamiyə respublika çəy vədə reaksiya nışon bədoy.
yolə rəhbəri ironi atom məsələ həl kardeyu təşkil bə təvafuğədə fəaliyyət bıkə şəxson votə sıxanon əsosi ki elan bə atom məsələ həl kardeyu işarəş karde və votışe: atomi barədə təşkil bə təvafuğ bəpe bə ironi millət iyən məmləkət təziğon təşkil kardeyu qıləy vəsilə nıbo.
islami inğilabi yolə rəhbəri bə İron və Amerkə devləti məsəlon işarəş karde və votışe: əmə felən ım məmləkətdə tojə devləti barədə ki ğəror heste bə ko məşğul bıbo heç qılə nəzəmon ni.
həzrət ayətullah Əl-uzma Xamenei votışe:iron bə milləti huzuri ğıvvə huzuri əsos dınyoədə heç qılə ğıvvəku tarsış ni.
islami inğilabi yolə rəhbəri həmçinin bə Ərbəine Huseyni(ə) əzəmətinə piyodə hərəkəti işarəş karde və votışe: ım piyodə hərəkətədə milləti milyoniyə huzur eşğ iyən de bəsirət və donoəti əsosi cəzb beku hikayət kardə.
həzrət ayətullah Xamenei bə zairon və beşeyu iraği millətiku təşəkkurış karde və votışe: bəzion Ərbəine təhrif karde ya məhv karde domoədən ki bə ım ko muvəfəğ nibəben və de ğətiyyəti ım yolə nemət İron və iraği millətonru əbədiy və bə səbarzəti bois bəbe.
həzrət ayətullah Əl-uzma Xamenei məntəğə bəzi məmləkətonədə bəsic ğıvvəku olqo peqəte barədə işarəş karde iyən bə ım olqo deşmenı zərbə je barədə votışe: deşmenı planonku qıleni nufuzı muhimmə məsələy ki 1 sorisə veyə vaxte ki çəy həxədə çandə kərə xəbərdarətim doə.
