İroni parlamenti sədr:seonist rejim fəğət çe zu zıvoni famedə

İroni parlamenti sədr:seonist rejim fəğət çe zu zıvoni famedə

İroni parlamenti sədr:seonist rejim fəğət çe zu zıvoni famedə

İroni İslomi Şura sədr Məhəmməd Bağır Ğalibafi votəşe:Əqər İroni İslomi Respublikə bə seonist rejimi şərə hərəkəton cəvobış doə nıəbe,ın rejim ıştə təcavuzon dəvom ədoy.çunki seonist rejim fəğət çe zu zıvoni famedə.

Bə İroni Tələbəon Xəbə Aqentəti(İSNA) məlumoti əsos,İroni İslomi Şura sədr Məhəmməd Bağır Ğalibaf de Fransə “Fiqaro” qəzeti bıə mısohibədə “Sadığ 2” əməliyyoti bə həyot dəvordıney zəruri bey işorə kardə holədə,çı seonist rejimi bə Livani hucumon oqətey vocibətiş təkid kardə və votəşe ki,İron Livanədə otəşvəsi həxədə de Parisi bo mızokirəto hozzıye.

Ğalibaf,çe İsveçrə Cenevrə şəhrədə bərpo bıə Beynəlxalğə Parlamentonmiyono İttifoği sammiti çərçivədə bərpo bıə və penşambə şəvi saatonədə dərc bıə bın interviyuədə,həmçinin hərbi və kəşfiyyoti iştirok kardə "Rostə Və`d 2" əməliyyoti əloğədor sıvoli cəvobən,bə sehyonist rejimi bazəon hədəf qətey işorə kardə holədə,torıxi bəmə çı seonist rejimi fəğət çe zu zıvoni famey işorə kardə holədə,çın rejimi hərbi təcavuzon aşmardə holədə əlovəş kardə:seonist rejim bə İroni Suriyədə bıə diplomatikə nımoyəndəti hucumış kardə və çı İroni çandə qılə barzə rutbəynə rəsmiyonış şəhid karde və bə İroni “Rostə və`də” əməliyyoti rəğmən,əmmo ijən həm işğalçiyə rejim İsmoyl Həniyyəşon Tehronədə çe İslomi Respublikə mehmon bıə zəmonədə şəhid kardeşone.