Tehroni Cımə nımozi xətib:İroni bə seonist rejimi cəvob doey huğuğ məhfuze
Tehroni Cımə nımozi xətib:İroni bə seonist rejimi cəvob doey huğuğ məhfuze
Tehroni Cımə nımozi xətib:İroni bə seonist rejimi cəvob doey huğuğ məhfuze
Tehroni Cımə nımozi xətib çe seonist rejimi bə İroni zidd oxonə hucumi həxədə votəşe:bə ın təcavuzi cəvob doey huğuğ bə İMT Nizomnomə 51-ə maddə əsosən məhfuze.seonist rejim şambə ruji(oktyabri 26-ədə) sıbi zəmoni saatonədə de qıləy təcavuzkoronə hərəkəti bəTehron, Xuziston və İlam viloyətədə bıə hərbi mərkəzon hucumış karde və çı İroni həvo hucumiku mıdofiyə sistem çəvon vəy qətə holədə,de israyili rejimi hərbi ğıvvon ın təcavuzkorə hərəkəti de səbarzəti mıborizə bardeyış zıne.
Bə Səhab şəbəkə bə İRNA istinodən doə məlumoti əsos,çe Tehroni Cımə nımozi xətib Kazım Siddıği çı seonist rejimi terrorçiyə dastə bə həmmə şucoətinə merdon vətən bıə zumandə İroni təcavuzi anqıl bəyonış kardə ki,çın rejimi beməxəti,diyəro nıvindey iyən və passivəti əloməte. İroni cəsurə millət ın sərzəmini nığo doə holədə,bəçəvon İroni zidd ın be erjə təcavuzkorə hərəkəti ələyh və bə ın maddə bob və bə İMT Nizomnomə 51-ə maddə əsosən çəmə cəvob iyən təzminoti həxımon heste.
Tehroni Cımə nımoji mıvəğğəti xətibi təkidış kardə:sehyonist rejim fik kardedəbe ki,əqər bə İroni hucum bıko,insonon ıştə koon tərk bəkardeyn və bənə sehyoniston rəhbəron bə bunker və pənohqoon dəbəviteyn.əmmo seonist rejim İroni xalğış nızıne və İroni İslomi İnğılobi Rəhbəri həm bın barədə hamyeşone ki,əvon İroni ğudrət,çəy ğabiliyyət,təşəbbıs iyən və irodəşon hələm həm dərk kardeyışon zınəni ki,bəpe ımi bəvon dərk bıdəmon kardey.
