Sosyal şəbəkə iyən duyə ifodə ozodəti iddiyo
İlan Maski çe trampi devlətədə bıə rol çiçiku iborət bəbe?.əv ki,de mıxolifon sədoon hamuş kardey məşhure,ısət çe qıləy kəsiku səhm sey dumoye ki,bəy koməqış kardə və İks sosyal şəbəkəş çın himoyəon iminə cərqədəş ğərol doə.
İlan Maski çe trampi devlətədə bıə rol çiçiku iborət bəbe?.əv ki,de mıxolifon sədoon hamuş kardey məşhure,ısət çe qıləy kəsiku səhm sey dumoye ki,bəy koməqış kardə və İks sosyal şəbəkəş çın himoyəon iminə cərqədəş ğərol doə.
İlan Mask çe Donald trampi həmməysə nufuzinə hami,deştə pul,zəmon iyən bə İksi şəbəkə malikiyyəti lutfi,ısət çe ticorətədə ğudrəti,devlətədə nufuzi iyən Qlobal İnformasiyə cərəyoni(səhfə məlumoton) pik həddədə ğərolış qətə.Mask qıləy zəmon ziyodə odəmon bə Tvitteri hıriye xoto bəy de məsxərə beməxə votedəbin,əmmo ısət çe amerkə hakim partiyə məlumot platformə həmməysə zumandə qıləyni control kardedə.təğribən çe tarmpi mediya ekosistemədə həmməysə barzə sədo cəm kardey beydə.kaliyon jıqo hisob kardedən ki,çe İlan Maski ciddiyə dastək çe trampi ğələbə kozıri hukm be.harçi həm bıbu çe dınyo hıəmməysə sərvətinə şəxs bo trampi prezdent mandero harçiş karde və de har qıləy mumkin bıə formə əvış himoyə kardeyış zıne.
Əmmo xosə duston,İksədə çe bəyoni ozodəti tərif çiçiku iborəte?.
Bəle,azizə əməson.sosyal şəbəkəonədə çın feyk və pesoxtə istifodəçi hisobon vəzifəonku qıləyni,de amerkə kişfəri mıxtəlifə kişfəronədə canqi cinoyətonədə bıə anqıştə rizi pok kardey hədəfi,bo amerkə ləşkəri dron əməliyyoton iyən aviyasiya ğıvvon mısbətə reklamon əncom doeye.de ın tərtibi oşko bıə istifodəçi hisobon icozəşon pəydo kardə ki,veyə mıddətədə fəol bıbon iyən qırd bın mıddətədə nodırıstə məlumoton pevolokon və iştimoyi fikon mınhərifkon.
Çe ifodə ozodəti iddiyo duyəti həxədə coqlə nımunə,sehyonist rejimi əməl və funksiyəion tənğıd kardə kəson akkaunt ya səyfəon basteye.məsələn de işğal bıə sərzəminondə bıə Mığoviməti Cəbhə canqəvəron bə sehyonist rejimi cinoyəton reaksiyə nışon doey bə i zəmon,çe İslomi İnğılobi Yolə Rəhbər Həzrət Ayətullah Xameneyi çın ğəsbkorə rejimi miyoniku şey həxədə votə cumləon iyən təkidon de qlobal istifodəçi hisobon ziyodə şəxson təvəssıti ğəbul kardey be.
İks sosyal şəbəkə çe İnğılobi Yolə Rəhbəri ibri ya ivriti zıvonədə bıə hisobış iruj bə ro dəğandey bədiqə,çəy fəoliyyəti nav qətey be.çın hisobi iminə mesaj ivriti zıvonədə jıqo nıvıştə bıəbe:”de Əbaxşə Xıdovəndi nomi”.qıləy iborə ki,çə həzrəti həmmə səyfəonədə de mıxtəlifə zıvonon vardey beydə.ın hisob ıştə peşonə post iyən nıvıştəyonədə çe Ayətullah Xameneyi sıxanonku qıləy cumləş mıntəşir və pevoloş karde ki,əyo jıqo votey beydə:”sehyonist rejim bə mıhosibəti səhfi dıço bıə”.çın Tvitti dəvomədə bə yodışon dənoə ki,bəpe çe İroni millət iyən kişfəri cıvonon ğudrət iyən təşəbbısi bəvon(bə israyili) dərosney bıbu.həlbəttə,ın iminə kərə nıbe ki,çe İnğılobi Yolə Rəhbəri hisobon fəoliyyəton ya oqətey beydə və ya çe sosyal şəbəkəonku pok kardey beydə.Tvitter milodi 2020-ə sori martə manqi 30-ə ruji çandə saati mıddətədə çə həzrəti istifodəəkə hisobışon dəvastəşon be.Vaşiqnton Post de təəccıbi bə ın funksiyə jıqoş nıvıştəbe:ın şirkəton ıştə istidlolon və dəlilon barədə hiç qıləy detalon nışon doydənin. kulliyə formədə ğeyd kardey iyən bə jurnaliston və iştimoyi fikon cəvob nıdoey,bə standarton tətbiğədə bıə ibhomi boyis bıə….