Abanə manqi 13 minnə ruj
İron İslom Respublika təğvimədə ımruj de qlobal istikbor mubarizə bardey ruj nom noə bıə.
Imruj Abanə manqi 13 minnə ruje ki de Tehronədə de ali məktəbi tələbəon vositə, Amerkə cəsusi lonə zəbt kardey torixi hodisə brobəre.
İronədə Amerkə səforətxonə zəbt kardey ki inğilobi bə rəhmət şə Rəhbər bəy “cəsusi lonə” nom noəş be, İroni daxıl iyən xarıcədə veyə nticəonış be. Ayətullah Xamenei Amerkə cəsusi lonə zəbt kardey əhəmiyyəti barədə hamyəşe: “tələbəon şin və Amerkə səforətxonə zəbt kardışone, məlum bıə ki ım vırə cəsusi lonəy, məlum bıə ki inğilobi səbarzəti bəpeşt çand manqi mıddətədə, ım vırə bə inğilobi ələyh xəbisə plani mərkəz be. Im məsələ de Amerkə səforətxonə daxıliku muntəşir bıə sənədon və fakton vositə, subit bıə.”
De bə İron iyən inğilobi ələyh, Amerkə xəbisə planon sənədon oşko bey, və de diğğət bə Pəhləvi korrupsiya hukumətiku ım sultətələbə devləti de komil surəti himoyə, bə Amerkə ələyh çəvon ziddiyət və deşmənəti əlovə bıə.
Imruj de sultə nizom və istikbori mubarizə bardey bənə həmmə ozodtələbə milləton miyono bə komilə mevzu təbdil bıə və İron ım hərəkəti pərçəmdor zıney bıdə.
İslomi İroni ozavziyədə ım məsələ votey lozime ki harçəxtə ki inğilobi umriku dəvardedə, xəbisə planon şəxsiyəton vey oşko bıdə və inğilobi ruşinəkə və nurani erjon vey oşko bıdə. Be şək, ım inğilob İslomi fiki hərəkəti əvvəlnə noğtə bə hisob omeydə iyən daxıli, məntəğə və beynəlxalği muxtəlifə cəhətonədə veyə nəticəon soyb be. Im inğilobi nəticə və muvəffəğiyətonku qıləyni, de dınyo istikbori vədə, İslomi muğaviməti cəhbə zumand kardeye ki İslomi təlimonədə ım mubarizəon bəyon bıə.
İstikbor qıləy Ğıroni təbire və qıləy əməle ki Şəytuni tuğyan və tabe nıbey cərəyonədə təbir bıdə, həmonə zəmon ki Xıdovənd bə şəyton əmrış kardə ki Həzrəte Adəm (ə)-i vədə, səcdə bıko və şəyton əncomış nıdo və tabe nıbe. Həmonə şəyton ki Xıdovəndi iminnə əmri əncom doey vədə tabe nıbe iyən ğəssəm hardəşe ki Xıdovəndi bandəon, səhih və sərostə royku mınhərif və qim bıko. İyən bə həminə xotoe ki Həkimə Xıdovənd, əy, insonon oşkoə deşmon zınəşe.
Bə Bəğərə surə 34 minnə ayə əsos, şəyton iminnə kəse ki təkəbbırətiş kardə və ıştəni, insoniku vey ali zınəşe və çımiku vey mmuhimmə məsələ ıme ki bə Xıdovəndi əmri tabe nıbe və çəy dumoədə Xıdovəndi dərqoku tojniyə bıə.
İmom Xomeyni(r), Amerkə bənə beynəlxalğ və qlobal istikbor iyən yolə şəyton zınəşe. İyən har qılə millət və ummət ki bə şəytoni tabe bıbu, çəy bədbəxti amil zənəşe. Qıləy qrup hestin ki de istikbor mubarizə bardedən, və ım zıllət və zılmi vədə muğavimət kardedən bə həminə əsose ki huç vaxt, Amerkə devləti vədə təslim bıə nin
De istikbori mubarizə bardey tətil bıə nin ni və həmişə dəvomış heste boçi ki çandədə ki botil mevcude, həx həm çəy vədə rost bəbe. Bə həminə səbəbe ki İslomi İnğilobi Yolə Rəhbər Həzrəte Ayətullah Xamenei hamyəşe: “ehanə de istikbor mubarizə bardey nıbu, əmə bəKərimə Ğıroni tabe nimon”. İronıjə iştimoiyət ısət bo həmmə milləton və həmmə dınyoro , bə istikbori ələyh muvəffəğə ulqu bə hisob omeydə