İroni mıdofiyə vəzir bə mığoviməti məhvəri dastəqi dəvom doey bıə təkid

İroni mıdofiyə vəzir bə mığoviməti məhvəri dastəqi dəvom doey bıə təkid

İroni mıdofiyə vəzir bə mığoviməti məhvəri dastəqi dəvom doey bıə təkid

İroni Silohinə Ğıvvon Mıdofiyə və Dastəki Vəzir çe Mığoviməti məhvəri və bə Suriya hukumət iyən milləti dəvominə dastəqi təkid kardəşone.bə İRNA sitat vardə Səhab şəbəkə məlumoti əsos; İroni Silohinə Ğıvvon Mıdofiyə və Dastəki Vəzir Briqada Qeneral Əziz Nəsirzodə işambə ruji de Suriyə Ali Milli Əmniyyət Şura katib qeneral-mayor Kefa Məlhəmi dido kardəşone və İron İslom Respublikə bə Suriyə zidd mıborizədə strateji dastəqi təkid kardəşone və bə terrori zidd və Suriyədə sulh və sabitəti hevuj kardero çı İroni bə mığoviməti məhvəri,bə Suriyə hukuməti və xalği doə dəstəqi dəvom doey təkid kardəşe.

Suriyə Ali Milli Əmniyyət Şura katib çe İslomi İnğılobi Yolə Rəhbəri mığoviməti dastək doeyədə şərəfinə mevğeyış barz qətə və ımi bo reqiyoni xalğon zu mənbəş hisob kardə.Tərəfon de terrorizmi rişə bırniye və reqiyonədə sulh və sabitəti hevujəti istiğomətədə həmkoəti dəvom kardey məğsədi çı dıqlə kişfəri miyono mıxtəlifə sahəonədə,xususən mıdofiyə və əmniyyət sahədə dı tərəfinə əloğəon hevuj kardeyış təkid kardəşe.

İroni Silohinə Ğıvvon Mıdofiyə və Dastəki Vəzir,briqada qeneral Əziz Nəsirzodə həm işambə ruji de Suriyə prezdent Bəşər Əsədi vindemon kardəşe və reqiyonədə mudafiyə və əmniyyəti məsələon,dıqlə kişfəri miyono de terrorizmi mıborizə bardey və çəy strukturi volo kardero bə məntəğə sabitəti və əmniyyəti xıdmət kardə həmkoəti hevujətişon muzakirə kardəşone.İroni Silohinə Ğıvvon Mıdofiyə və Dastəki Vəzir şanbə ruji de Suriyə mudafiə vəziri dəvəti de qıləy nımoyəndə heyəti rəhbərəti bə Suriyə poytaxt Dəməşği şeyə.