İnğilobi rəhbəri:şəhidon nom və yodi qirami qətə kəson Xıdo roədə mucahidin

İslomi inğilobi yolə rəhbəri təkidış kardə,az ə kəson ki mucahidon və şəhidon yodi qirami qəteyu fəaliyyət kardən, Xıdo roədə mucahid zındəm yəni ım hərəkət ıştən Xıdo roədə cihad kardeye.

İslomi inğilobi yolə rəhbəri təkidış kardə,az  ə kəson ki mucahidon və şəhidon yodi qirami qəteyu fəaliyyət kardən, Xıdo roədə mucahid zındəm yəni ım hərəkət  ıştən Xıdo roədə cihad kardeye.

Bə SƏHAB kanali xəbəron  əsosi İslomiyə inğilobi yolə rəhbəri Həzrət Ayətullah Xamenei ,Esfehan ostani 24 həzo şəhidi qiromi qəte kanqresi fəalon vindımonədə ki noyabri 15 minnə ruji bərpo be, Esfehanış dıştə həmmə mədəniyə nışonəon mincumlə elm, sənaye, hınə, memari, alim pərvərəti və ğəhrəman pərvərətiədə nav əşış zınə və təkidış karde Esfehan nışon dodə tədəyyun və təşərru de elm və sənaye iyən mədəniyyət və tarix de iyandı umuj qıniyən və ım 2 qılə cəriyan de iyandı heç qılə ziddiyyətışon ni.

İslomi inğilobi yolə rəhbəri ım vindımonədə bə Esfehanı mədəniyə təcrubə mıxtəlif baxşonədə işarəş karde və votışe: inğilobi hadisəon iyən mığəddəsə mudafiə devranədə, Xıdo roədə fədakarəti və cihad karde emtiyaz(xal) həm bə Esfehan emtiyaz(xal) izofə be jəqo ki ım ostan bəştə cəmiyyəti nisbət, islom və məmləkəti istiğloli roədə həmməysə veyə şəhidış təğdim kardə.

Yolə rəhbəri cihad və şəhodətı ruhiyə dəvom iyən əçəy oşko be mıxtəlif nəslon, şəxsiyyətdə fədakarəti iyən  şəhodətı noraniyə silsilə dəvom pəydo karde iyən esfehanədə bə riyə eqıniyeku iborətış zınə və votışe: ımrujnə cıvonə nəsl bə esfehanı ım zumandə sənədon aqahəti ehtiyocişon heste.

İslomi inğilobi yolə rəhbəri Esfehanı yolə alimon blandə siyahiş esfehanı milləti dindarəti əzəməti nışonəş zınə və əlovəş karde esfehanədə dinı zumandəti tədəyyun və təşərru cəriyanon de elm və sənaye iyən mədəniyyəti umuj qıneye ironi tarix və mədəniyyətdə çimiku hikayət kardə ki bəzi odəmon fəaliyyət ironi mədəniyyət və tarixədə elmi, diniku co kardeyu  , qıləy səhvə hərəkəte.

Həzrət Ayətullah Xamenei ironi mumin iyən istidadinə cıvonon fəaliyyətış, məmləkəti həmməysə bə inkişof rəsə elmiyə mərkəzonədə, ironi mədəniyyətdə elm və dinı umuj qıniye dəvomiku zınəşe və votışe: milləti cəhd və cıvonon zumandə fəaliyyəton tosə ımruj bə islomiyə respublika dəvom bois bə və bə vəy omə rujonədə həm jıqo bəbe.

Yolə rəhbəri işarəş karde əqər cıvonon fədakarətion bə nəbin, islomiyə Respublika həyati dəvom əçəy əsosə məsəlon hifz kardeədə mumkin nəbi və əlovəş karde ə kəson ki Xıdo roədə bıə şəhidon və mucahidon yodi qirami iyən bəji qətedən, ıştən Xıdo roədə mucahidonku hestin.

İslomiyə inğilobi yolə rəhbəri Esfehanı şəhidon kanqıresi bərpo əkanku piyəşe keyfiyətinə mədəni və hınəynə əsəron bısoxton ki təsir ənə bıbon iyən votışe ım soxtə bə əsəron mıxatəbon piyo noə təsiron həxədə təhğiğ bıkən və bə kampiyoteriyə hənəkon zərfiyəti işorə kardeədəmesajon ovıştıneyu bənə qıləy vəsilə işorəş karde və votışe:  hərbiyə baxşon har qıləy karde karde bəznen bə kampiyoteriyə hənəkon diğğət doeədə mığəddəsə mudafiə devrani bənə kampiyoteriyə hənəkon soxte, jəqo ki bəzi məmləkəton ıştə ğıvvə və hərbiyə zumandətion bə cıvonon və noperəsə cıvonon zehn ovıştıneyu çı royku istifadə kardən.

Həzrət Ayətullah Xamenei eyne holədə de kırtə dastanon roy mığəddəsə mudafiə devrani hadisəon rəvoyət kardeku təkidış karde və votışe: dəvardə rojonədə yolə hadisəon, hınəmand və huşinə surətədə rəvoyət kardeədə problemon həl karde iyən koonədə inkişof karde nav şərayet icod bəbe.