Hoziyətiku ozod qıləy dınyo
Hoziyətiku ozod qıləy dınyo
sehyonist rejim bın dəvardə oxonə i sori dırozi nəyinki,de Ğəzzə iyən Livani mərdumi ki,de dınyo iştimoiyyət həm dimbədim omə.İMT çe sehyonist rejimi Ğəzzə tanqədə kardə cinoyətonku bıə tənğıdon de Netanyahu şiddətinə reaksiyə dimbədim omə.əv bə ın tənğıdon reaksiyədə İMT-ış “dekadent(bə tənəzzuli mə`ruz mandə)iyən be erjə” onemonış hisob karde və çe umumi tribunaku ın beynəlxalğə təşkilotış çe “antisemitizmi mırdolə ovi vırəş” tevsif və təsvirış karde.çəy ın rəftor nəyinki,çe sehyonist rejimi bə beynəlxalğə ğanunon be etınoəti nışon doydə,bəlkəm səy kardedə çın rejimi vəhşiyonə cinoyətonku harcurnə tənğıdon de antisemitizmi etiketi be etıbo bıko.
bın dəvardə oxonə i sori dırozi israyili rejimi ləşkəri bənə UNRVA humanitarə onemoni bıə təşkiloton ki,Ğəzzə tanqədə iyən İrodan ru kəno bə Fələstıni avarə və sərqərdon bıə kəson həyoti xıdməton iyən koməq rosneydə,həmlə kardey şiddətış pəydo kardə.ın onemon ki,Ğəzzə tanqədə iyən İrodan ru kəno bə çandə həzo Fələstıni avarə və sərqərdon bıə kəson koməq rosnə yeqanə onemone,çandə kərə iyən dayimi surətədə de israyili rejimi ləşkəri təvəssıti bombardımon bıə.israyili rejimi ləşkəri bın dəvardə oxonə i sori dırozi bə UNRVA humanitarə onemoni binon 460 kərəsə ziyodə həmləonış əncom doə ki,bın hucumon nəticədə çın təşkiloti koəvononku iyən mulki şəxsonku çandə sa nəfər ışyə conışon çe dasto doə.netanyahu iyən çəy devlət de hevujə təbliğoton cəhd kardedən ta UNRVA humanitarə onemoni bənə çe Fələstıni mıborizə ğıvvon pənohqo unvoni nışon bıdo.qıləy holədə ki,ın beynəlxalğə onemon çe Fələstıni hırdənon iyən jenon yeqanə pənoh bardə əmno-əmniyyətinə vırə be və əvon iyo bə insonə həxon həmməysə kamə həxon malikin.
