Amerkəvıjon işğalqərətion vədə mandeyu islomiyə inğilobi yolə rəhbəri təkid

İslomi inğilobi yolə rəhbəri de iraği 1 minnə vəziri vindımonədə təkidış karde bəpe amerkəvıjon, irağədə işğalqərətion vədə ve ciddi bımandən.

İslomi inğilobi yolə rəhbəri de iraği 1 minnə vəziri vindımonədə təkidış karde bəpe amerkəvıjon, irağədə işğalqərətion vədə ve ciddi bımandən.

Bə yolə rəhbəri dəftərxonə məlumat ərosnə mərkəzi nəğli əsosi SƏHAB kanal xəbəş doə islomiyə inğilobi yolə rəhbəri imom Xameneyi zinə əsrə vaxti iraği 1 minnə vəzir Muhəmməd Şiya Əssudani vindımonədə işğalqərə amerkəvıjə ğıvvon huzurış iraği məmləkətdə ğeyre ğanoni və iraği millət və devləti faydonku kənoş zınə və təkidış karde sənədon nışon dodən amerkəvıjon irağədə ıştə huzuri zumand və inkişof doeyu cəhd kardən ki bəpe ım işğalqərəti vədə de ciddiyət mande.

İslomiyə inğilobi yolə rəhbəri həminə holədə İraği devlət və milləti miyonədə bə çokə rabitə işarə kardeədə İraği mıxtəlif məzhəbon və toyfan miyonədə vəhdətış ve zəruri və muhimmış zınə və bə əssudani xitob əlovəş karde jıqo ki şımə işorən kardə Həşdu şəbi həm iraği muhimmə ğıvvonkuy ki bəpe nakonəsə ve çəy hifz iyən zumand kardeyu cəhd bıbo.

Yolə rəhbəri Əssudani çokə fəaliyyətonku , ovonəti və əmniyyəti cəhətdə ğədrdanətiş karde və votışe: İrağ ha miğdor ovonə və de veyə əmniyyət həmro bıbo bə İron İslom Respublika nəfe.

Im vindımonədə ki İron İslom Respublika prezdent Məsud Pezeşkiyan həm huzurış hest bı iraği 1 minnə vəzir Şiya Əssudani tehronədə təşkil bə muzakironku ıştə roziyətiş elon karde və ommidvarətiş karde ım muzakiron və tehronədə roziyətion 2 qılə məmləkəti rabitə nakonəsə ve inkişof bıdə.

İraği 1 minnə vəzir , millət, Həşdu-şəbi , vəhdət və milliyə ibemon iyən mərcəiyyətış iraği zumandə ğıvvonkuş zınə be və sionist rejimi Ğəzzə və livanədə cinayətonku işarə kardeədə təkidış kardə iraği əsosə siyasət Ğəzzə və livani millət iyən məntəğədə mığavimətiku himoyə kardeye.