De Həzrət Məhdi(ə.c) mevludi mınosibəti təbrik +(məxsusə bərnomə)

De Həzrət Məhdi(ə.c) mevludi mınosibəti təbrik

De Həzrət Məhdi(ə.c) mevludi mınosibəti təbrik

Hicri-Ğəməri 1446-ə sori Şəbonə manqi 15-ə ruji bə dınyo şiəyon donzəminə imom Həzrət Məhdi(ə.c) mevludi ruji təsaduf kardə 14 fevral 2025--ə sori torixi bərobəre.

Bə Pars Tudey xəbə əsos,Məhdi(ə.s) Hicri-Ğəməri 255- ə sori Şəbonə mo 15-ə ruji sıbhi zəmonədə Samirradə bə dınyo çəşış oj kardə. Çə həzrəti mehtərəmə dədə İmom Həsən Əskəri(ə),əmmo moş “Nərcis Xatun”bıə.Həzrət Məhdi(ə.c) bə dınyo omey bəpeştə bə penc sori nezi ıştə alicənobə pı palu və çəy himoyədə nimə məxfi jimonış kardə.

Həzrət İmam Həsən Əskəri(əleyhissəlomi) Hicri-Ğəməri 260-ə sori bıə şəhodəti bəpeştə çə həzrəti hırdə ğeybi devrış bino bıə və tosə Hicri-Ğəməri 329-ə sori dəvomış kardə.Bın devrədə İmom Məhdi (ə.c) deştə ço qılə noyibi vositə çe mərdumi koon dəvom doydəbe.İmom Zəmoni(əc)dıjdə ğeybi devrə həm Hicri-Ğəməri 329-soriku bino bıə.

İslomi İroni xalğ həm çe Həzrət İmom Məhdi(əc) mevludi şəvi və ruji dini məkononədə iştirok kardəşone və mıxtəlifə şoyvonəti mərosimon dəvordınə holədə,ıştə bə İmom Məhdi(əc) bıə məhəbbətışon nışon doə.

İmom Məhdi (ə) mevludi şəvi və ruji İroni mısılmonə milləti muhimmə bərnomə və proqramonku qıləyni,şərbət və şirniyyot baxş kardey,mevlud mərosim və şoə mərosimon bərpo kardeye.

Tehroni cənubədə vağe bıə Ğom şəhəri dılədə bıə Cəmkərani məçit ım şamqo çe Şəbonə manqi 15-ə ruji şəvi de qıləy barzə hərorəti şoə mərosimon iyən mənəvi ayinon bərpo kardə holədə,çe İmom Zəmoni(ə) aşığonışon ğəbul kardə,şəhri kuçə və məçitonışon de çoon iyən şoyvonəti dərostəşone. İroni şimol-şərğədə vağe bıə mığəddəsə Məşhədi şəhr həm ımşəv iyən ımruj de həyəconi pure və çın məntəğə əhali de şoə mərosimon bərpo kardey və şirniyyat baxş kardey,ıştə bə Əsri İmomi(ə) səmimi məhəbbət və irodətışon bəyon karde.

İron İslom Respublika Rədyo və Televiziya həm qırd dınyo mısılmonon de Həzrət Məhdi(ə.c) mevludi mınosibəti təbrik kardedə.