De Xıdo Rəsul(s) həyot həmro bə rəhmət şe sorəqardışi mınosibəti səbəsəloməti.

İslamiyə İron çı Xıdo Rəsul(s) əzizə həyot həmro, Xanım Həzrəte Xədicə(s) bəfot sorəqardışi xoto matəmədəy.

Imruj Hicri Ğəməri 1446-minnə sori rujə manqi 10-minnə ruj bərobər de Miladi 2025-minnə sori Martə manqi 11 Xıdo Rəsul Həzrəte Muhəmməd(s) qiramiyə həyat həmro Xanım Xədicə(s) bə rəhmət şe sorəqardışe.

Həzrət Xədicə(s) Ğurəyşi nomin iyən sərvətmandə jenonku be ki besətiku 15 sor bənav de islami əzizə peyğəmbər(s) vəyəş karde.

Im yolə xanım 1 minnə jen bı ki bə Peyğəmbər(s) rəsoləti imonış varde və dıştə həmməy ğıvvə iyən sərvəti bə islam dini təbliğ və hevuj bey koməkış karde.

Həzrət Xədicə(s) islamiku bənav həm bə çokə xosiyəton, fəzilətinə əxlağ iyən pok bey xoto tahirə ləğəbış be.

Həzrət Xədicə(s) vucud anədə bo Peyğəmbər(s)ro əhəmiyətış be ki Xıdo Rəsul(s) ım yolə Xanımi bə rəhmət şe qıləy yolə mısibət və Xanım Xədicə(s) iyən ıştə coqılə yolə himoyə əkə yəni ıştə əzizə amo Həzrət Əbutalib(ə)-i bə rəhmət şe sori Amulhuzn yəni dıjdə norohəti sor elanış ka.

Həzrəte Xədicə dovnədə 6 qılə hırdən perosniyə bıə ki çəvonku bə Xanım Farimə(s) vırə işarə karde bəbe, həmonə qiramiyə xanım ki Xıdo Rəsul(s) iyən Əli(ə)-i bəpeş bıə islam dini lideron və İmomon qırd çəy nəsliku omin və dəvom kardedə.

Tolışi Rədio tərəfo ımrujnə ruji Həzrət Xədicə(s) bə rəhmət şe sorəqardışi bə həmmə mıslmonon məxsusən tolışə mısılmonon iyən ozodtələbon səbəsəloməti ərz kardedəmon.