İron iyən Tacikistoni prezdenton bə dıqlə kişfəri miyono həmkoəti zumand kardey təkid

İron iyən Tacikistoni prezdenton bə dıqlə kişfəri miyono həmkoəti zumand kardey təkid

İron iyən Tacikistoni prezdenton bə dıqlə kişfəri miyono həmkoəti zumand kardey təkid

İron iyən Tacikistoni prezdenton telefonə votemonədə Fıtrə id iyən ğədimə Nəvuzə idi təbrik kardə holədə,de iyande təkbətəkə didoədə çe dıqlə kişfəri miyono həmkoəti zumand kardey roon rə qıləy zəmonədə muzakirə kardero ıştə umudəvoətişon bəyon kardə.

Pars Tudey bə İRNA istinodən doə məlumoti əsos,Məsud Pezeşkiyan seşanbə şəvi de Tacikistoni prezdent İmom Əli Rəhmoni telefonə qəpədə əv və çəy dustə kişfəri mərdumış de Fıtrə id iyən ğədimə Nəvuzə idi mınosibəti təbrikış kardə və ıştə umudəvoətişon bəyon kardə ki,iminə fırsətədə deştə tacikə həmto çe tərəfon miyono həmkoəti zumand kardey roon mızokirə bəkardeyn.

Bın telefonə votemonədə Tacikistoni prezdent həm çe İroni prezdent və çəy xalğış de Fıtrə id iyən ğədimə Nəvuzə idi mınosibəti təbrikış kardə və bə İroni hukumət iyən milləti xəşəconəti sulh,sabitəti,tərəğği və dəvominə ozavziyeyış oruzu kardə

İmom Əli Rəhman çəmə dustiyəti bə çandə həzo sornə torıxi malik bey bəyon kardə holədə, votəşe:İron iyən Tacikistoni dıqlə milləti miyono nığılə dustiyəti və nezə dıtərəfinə rabitəon torıx,əməni mıxtəlifə sahəonədə bə dustiyəti və həmkoəti həni həm ğoym kardey səmt bardedə və mı ın məsələ təkbətəkə didoədə mızokirə kardeyku vey şo və məmnunim.

İroni prezdent n Məsud Pezeşkiyan həmçini de İraği sərvəzir Məhəmməd Şiya Əssudani iyən de Uzbəkistoni prezdent Şovkət Mirzayovi telefonə votemonış kardə və bə dıqlə kişfəron miyono mınosibəton zumand kardey təkid kardəşone.