İron iyən Azərboycon Respublikə səfiron Moskvadə bıə dido

İron iyən Azərboycon Respublikə səfiron Moskvadə bıə dido

İron iyən Azərboycon Respublikə səfiron Moskvadə bıə dido

İron İslom Respublikə və Azərboycon Respublikə Moskvadə bıə səfiron çe dıqlə kişfəri miyono həmkoəti inkişof doey muzakirə kardəşone.

Pars Tudey bə İroni Tələbəon Xəbə Aqentəti (İSNA) istinodən doə məlumoti əsos,İron İslom Respublikə prezdent Məsud Pezeşkiyani bə Azərboycon Respublikə poytaxt Boku rəsmi səfə i ruji bədiqə çe İroni Moskvadə bıə səfir Kazım Cəlali həm de Azərboycon Respublikə səfir Rəhmon Mustafayevi vindemon iyən votemonış kardə.

Cəlali və Mustafayev çe Pezeşkiyani bə Boku səfə və çın səfə zəmonədə imzo kardə bıə muhimmə sənədon əhəmiyyəti təkid kardə holədə,çe İron iyən Azərboyconi miyono bə nığılə rişə və torıxi,dini və mədəni mıştərəkəti əsos bıə munasibətonış bə dıqlə kişfəri xalğon miyono ımrujnə bıvəti və dustiyəti mınosibəton vardə bekardə mınosibətonış zınə.

Dido zəmonədə həmçinin dıtərəfinə həmkoəti,həmən veytərəfinə reqiyonal loyihəon,xususən həm bənə Rusiyə bıə dustə kişfəron iştiroki Şimol-Cənub Beynəlxalğə Dəhlizi inkişof kardey roon muzakirə kardey bıə və fiki mubadilə bardey bıə.

Kazım Cəlali və Rəhman Mustafayev həmçinin periferik reqiyonədə bə əməl omə oxonə hodisəon,Ğafqazi reqiyonədə bə əməl omə məsələon,3+3 həmkoəti format,reqiyonal ixtisodi həmkoətişon muzakirə kardəşone. Azərboycon Respublikə səfir həmçinin Bəndər Əbbosədə bə əməl omə fociyəvi vəş qətey hodisə və de çandə qılə İroni vətəndoon ıştə coni çe dasto doey mınosibəti təsliyyət votəşe.