İroni bə Netanyahu ritorika nışon doə reaksiya

İroni bə Netanyahu ritorika nışon doə reaksiya

İroni bə Netanyahu ritorika nışon doə reaksiya

İroni İMT-ədə bıə səfiri iyən dayimi nımoyəndə Əmir Səyid İrəvoni bə Əmniyyət Şura vığandə məktubədə israyili sərvəzir Binyamin Netanyahu İroni əleyh sıxanon cəvobış doə.İroni İMT-ədə bıə səfiri iyən dayimi nımoyəndə Əmir Səyid İrəvoni bə Əmniyyət Şura unvon kardə nomədə votəşe:Amerkə və ya çəy vəkiləti bıə sehyonist rejimi har qıləy hərbi avanturizm,ısət pidə bə İron İslom Respublikə suverenəti bıbu,bəçəy ərazi təmomiyyəti və ya həm bəçəy milli və həyoti mənafeyon ələyh qıləy hərəkət bıbu,dərhol bəy mıtənosib iyən ğanuni cəvob doey bəbe.

İrəvoni məktubəda votey beydə ki,Yəmən xalği hərəkəton,bə Yəməni suverenəti və bəçəy ərazi təmomiyyəti ələyh bıə təcavuzi mığovimət nışon doey,həmən bə dəvomin və ğeyri-ğanuni hucumon məruz mandə Fələstini mərdumi həmrayəti ifodə kardey bıə suverenə huğuğonku istifodə çərçivədə ğəbul kardey bıə mıstəğilə qəroron nəticədə bə əməl omə.

İroni İMT-ədə bıə səfiri iyən dayimi nımoyəndə İrəvoni ıştə nomə dəvomədə bəyon kardedə ki,ım ğanuni hərəkəton bə İron İslom Respublikə ayid kardey cəhd,realəti çe ğəsdo təhrif kardey və beynəlxalğə iştimoiyyəti dığğəti reqiyonədə mevcud bıə behroni əsosə rişəonku mınhərif iyən bə diyəro kardero bıə qıləy cəhde.yəni;çe seonist rejimi Ğəzzə tanqə və İordan ru ğərbi sahilədə kardə qon və dəvom kardə cinoyəton,min cumlə həm qenosid,hərbi cinoyəton və bə insoniyyəti zidd cinoyəton və çe AİŞ-on bə Yəməni ələyh bıə beəmonə təcavuz.

İrəvoni ıştə nıvıştə nomədə ğeydış kardə:“Bə suverenə devləti zidd və bə İMT uzv bıə devləti ələyh zu tətbiğ kardey təhdidon ojə-oşkoə şikilədə canqtələb və təxribot xarakterinə bəyonoton beynəlxalğə həxon fundamental prinsipon və İMT Nizomnomə ojə-oşkoə və ciddi şikilədə darışteye”.

İroni Xarici Koon Vəzirəti sıxanəvot İsmoyl Bəğayi həm çe sehyonsuit rejimi bə ƏlHudeydə porti iyən bə Yəməni co infrastrukturon ələyh hərbi təcavuzış de şiddətinə formə məhkumış kardə və ımış oşkoə cinoyət və beynəlxalğə huğuği prinsip və ğaydəon hoziyə şikilədə darışteyış zınə.