İmom Xameneyi:islomiyə mədəniyyət ısətnə maddi xətoə mədəniyyəti vədəy

İslomiyə inğilobi yolə rəhbəri, ironi Ğumı dini elmiyə hozə sənibəton təsis karde 100 minnə sorəqardışi mınosibəti qıləy mesajədə təkidış kardə hozə həmməysə muhimmə vəzifə belağe mubin ya oşkoə təbliğ və islomi noə mədəniyyətiyu nav şərayeti hozzı kardeye.

İslomiyə inğilobi yolə rəhbəri, ironi Ğumı dini elmiyə hozə sənibəton təsis karde 100 minnə sorəqardışi mınosibəti qıləy mesajədə təkidış kardə hozə həmməysə muhimmə vəzifə belağe mubin ya oşkoə təbliğ və islomi noə mədəniyyətiyu nav  şərayeti hozzı kardeye.

İslomiyə inğilobi yolə rəhbəri imom Xameneyi zinə Ğum şəhri elmiyə hozə sənibəton təsis karde 100 minnə sorəqardışi mınosibəti iclosiyu qıləy mesajədə bə ğumı elmiyə hozə təsis be tarixçə həşi 14 minnə əsri yolə hadison miyonədə iyən Ayətullah Hac Şeyx Əbdulkərim Haeri rol, hozə təsis karde, dəvom iyən inkişofiyu işorəş karde.

Bə pars todey xəbəron əsosi yolə rəhbəri votışe: Ğum şəhri elmiyə hozə fəxronku qıleni ıme ki çəyu bənə mərhum Həzrət imom Xomeyni bə həşi mandə şəxsiyyət beşə və ım hozə 60 sori mıddətiku bə kam ıştə mənəvi və milləti tono ıştə vırəş bə səviyə iyən zumandəti rosnişe ki karde zınəşe , podşo, xain iyən fəsotədə bıə rejimi, de milləti dasti miyono barde və çandə əsri bəpeştə , islomış bə məmləkəti siyasiyə hakimiyyət nışandışe.

Həzrət Ayətullah Xameneyi təkidış karde elmiyə hozə fəğət qıləy dərs doe iyən dərs hande muəssisə ni bəlkə elm və tərbiyət iyən ictimaiyyəti və siyasiyə koonku qıləy məcmuəy və bə sərfəslon ruşin karde məşğule ki karde bəzne hozə həğiğiyə məno əsosədə nav əşı və barz karde.

İnğilobi yolə rəhbəri elmiyə hozə muhimmə vəzifonku qıleniş bənə qıləy erjinə elmiyə mərkəz ki 1 həzo sorə elmiyə peştış heste bə islomiyə hukuməti məsələon aid iyən ictimaiyyəti çı curə idarə karde məsələon, cəvob doeş zınə və əlovəş karde məsələoni bənə devləti əlağəon de millət iyən devləton və coqlə milləton, nəfye səbil ya mıslmonon bə kofiron sultə ji dəşe icozə nıdoe, islomi hıkm, ixtisadiyə nizom və islomiyə nizomi əsosi binovrəon, islomi nəzəku hakimiyyəti mənşə və milləti rol ım məsələdə iyən muhimmə məsələon və sultə nizomi vədə siyasəton bəyon karde, ədoləti  məno və mehtəvo iyən çandə 10 qılə əsosə məsələon və bəzən həyatiyə məsələon , mincumlə məsələonku hestin ki bəpe bəvonru fiğhiyə cəvob bıbo.

Yolə rəhbəri, hozə oşno beş de dınyo tojə kəşfon iyən de ali məktəbon  həmkoətiş, ictimaiyyətiyə nizomon bə ğaidə noe  zəruriyə nuktəonkuş zınə.

İmom Xameneyi, nav əşı və barzə səviyədə bıə hozə 5 minnə sərfəslış islomı beynəlxalğə mesaji əsosədə, tojə mədəniyyətış zınə və təkidış karde elmiyə hozə  ko həmməysə barzə intizar islomiyə mədəniyyəti bərpo kardeyu nav şərayeton təşkil kardeye.

Həmonə mədəniyyət ki bəvədə elm və texnoloqiya, insoni və təbiiyə mənbəon və həmmə zumandətion iyən insonon, hukumət və siyasəti həmmə inkişofon iyən polis ğıvvə və har çi ki insoniyəti extiyorədəy ictimaiyyətiyə ədolət və umumiyə firavanəti iyən ictimaiyyətdə cəmaəti miyonədə fasiləon kam karde xıdmətədəy və mənəvi iyən elmiyə inkişof və təbiəti həxədə məlumaton ve karde və imoni zumand karde roədə oko doə bıbo.

İnğilobi yolə rəhbəri, islomiyə mədəniyyətış , ısətnə maddi xətoə mədəniyyəti vədəş zınə  və təkidış karde ım botilə mədəniyyət bə xılğəti hətmiyə sınnət iyən adəti əsosi, miyono şənine və çəmə vəzifə bə ım botili miyono şe komək karde və nəzər iyən elmədə bə çəy əvəzi qıləy mədəniyyəti bə riyə eğandeyu şərayet hozzı kardeye və elmiyə hozə ım baxşədə qıləy yolə vəzifəş bə ehdə heste ki əvvəlnə dərəcədə islomi nuyə mədəniyyəti əsos iyən ətrofinə roon hozzı kardeye və peşo  ictimaiyyətdə çəy həxədə ruşinə məlumaton bəyon karde və tərvic iyən çəy mədəniyyəti həxədə həğiğəton bəyon kardeye və ım  belağe mubinı barzə nımonəonkuy.