İroni xarici koon vəzir:Əmə mızokironədə nuvə həxonku quzəşt nibəkardemon
İroni xarici koon vəzir:Əmə mızokironədə nuvə həxonku quzəşt nibəkardemon
İroni xarici koon vəzir:Əmə mızokironədə nuvə həxonku quzəşt nibəkardemon
İroni xarici kon vəziri təkidış kardə:de AİŞ ğeyri-sərostə mızokirəonədə çe İroni mərdumi atoni həxonku quzəşt nibəkardemon.
Pars Tudey bə İRNA istinodən doə məlumoti əsos,İroni xarici koon vəzir Seyd Əbbos Ərağçi çe Tehroni Beynəlxalğə Kitobi Nımoyişqoyədə Xarici Koon Vəzirəti pavilyonəda bərpo bıə “Kitob iyən Diplomatiya” proqramədə iştirok kardə holədə əlovəş kardə:“İroni xalği nuvə sahədə,ə cumlə həm qəncin kardey sahədə həxon mudafiyə kardey çın prinsiponku və milləti həxonku qıləyniye ki,əmə ımi nə mediyadə və nə çe mizi peştono bə quzəşt nibəşemon.ım,çe İroni mərdumi həxe iyən ikəs ımi inkor kardey əzıni və əmə de ın prosesi anqıl şəffofəti təmin kardey bəzınemon,lakin hiç qıləy atomi obyekt cəm kardey nibəbe”.
İroni diplomatikə xıdməti rəhbəri əlovəş kardə:"Mığobil tərəf çəmə nuvə obyekton məhf kardeyış zınəbe,bo mızokirəro daxil nıəbin.İron bəştə silohinə ğıvvon peştıpur bıə holədə dışmenış bəsə votemonon mizi peyo nıştovneşe ki,ım həm əvonış çe hərbi hucumiku oqətışe.İroni mudafiyə ğabiliyyət iyən rəketon bə mızokirə bardə kəson zu doydə və əks tərəfi çe hərbi həmləku məyus kardedə.
Ərağçi əloavəş kardə:Əqər amerkəvıjon de sanksiyəon vositə İronışon bəsə zonusə nıştovney zınəşonbe,bəy dəvom ədən və həni mızokirə nıəkardin.
İroni xarici koon vəzir bə medya de Ğərbi rəvoyton anqıl oğo bey zəruriyyəti işorə kardə holədə,bəştə sıxanon dəvomış doe:"Fəğət mızokirəonədə ne,har qıləy holədə muhimmə umumi prinsip hikoyəy.çe hodisə mahiyyət iqlə çi bey bəzıne,əmmo çəy rəvoyət coqlə çi bey bəzıne.mızokirəon oxoyədə ki mıvəffəğe,çəy kom versiya dərc beyku farğine".jıqo qıləy şərayitədə har qıləy tərəf ıştə doə çiyon vey kam iyən ıştə seyə çiyon ziyodə nışon doeyro səy kardedə.Har qıləy votemonon bədiqə rəvoyəton canq bə əməl omeydə və bəzi rəvayəton ğələbə bə məğlubiyyəti peqordıney bəzıne və ya çımi əksımon əmə,bənə Əraki reaktori beton ekardey anqıl nıdırıstə rəvoyətonədə vindemone
