Admiral İroni:İroni Hərbi Dıyo Ğıvvon bə super ğudrəti peqardə

Admiral İroni:İroni Hərbi Dıyo Ğıvvon bə super ğudrəti peqardə

Admiral İroni:İroni Hərbi Dıyo Ğıvvon bə super ğudrəti peqardə. İron İslom Respublikə Hərbi Dıyo Ğıvvon komandani votəşe:Beynəlxalğə forumonədə İroni Hərbi Dıyo Ğıvvon fevğəldevlət beyku qəp jeydən.

Pars Tudey bə İroni Rədyo və Televiziyə Aqentəti istinodən doə məlumoti əsos,kontr-admiral Şəhram İroni cımə ruji ıştə nıtğədə əlovəş kardə:Imruj Beynəlxalğə forumonədə çe İroni Hərbi Dıyo Ğıvvon fevğəldevlət beyku qəp jeydən və dıyoədə zumand iyən ğudrətinə kişfəron de İroni ləşkəri Strateji Dıyo Ğıvvon təlimonədə təcrubə mubadilə bardeyışon piyedə.

İron İslom Respublikə Hərbi Dıyo Ğıvvon komandani bəyonış kardə:Əqər ımruj dışmenon çe İslomi İnğılobi Ali Rəhbəri mığobilədə bəsə zonusə nışteydən və votemonon tələb kardedən,ım çe texnoloji cəhəto ıştəni təmin kardey təchizoton bə məydon bekardey zınə iyən və dışmeni bə heyrət vardə ironıjə cıvonon səyon nəticəy.