Əbbos Ərağçi:İron-Afrika həmkoəti vəomə ruşine

Əbbos Ərağçi:İron-Afrika həmkoəti vəomə ruşine

Əbbos Ərağçi:İron-Afrika həmkoəti vəomə ruşine

İroni xarici koon vəzir Tehronədə de Afrika İttifoği təsisi 62-ə sorəqardışi munasibəti bərpo bıə mərosimədə bə İron iyən Afrika miyono həmkoəti əhəmiyyəti təkid kardə holədə,umudəvo be ki,ın həmkoəti bə dəvəşə ayəndə səbəb bəbe.Tehroni “İstiğlal” otelədə de Afrika İbemoni təsisi 62-ə sorəqardışi anqıl mərosim bərpo bıə və bın mərosimədə  çe Afrika kişfəron səfiron və İroni rəsmiyon iştirok kardəşone.

İroni xarici koon vəzir Seyd Əbbos Ərağçi bın mərosimədə bə İron-Afrika əloğəon torıxi və bo həmkoəti inkişofiro bə mıştərəkə səyon işorə kardə holədə,bə ədoləti və bo Afrika xalğonro torıxi xəsorəton pərdaxti vocibəti təkid kardəşe.Seyd Əbbos Ərağçi zinə işambə ruji bərpo bıə “De təzminoti ro bo Afrikavıjon iyən bo Afrika mərdumiro ədolət” nomo mərosimədə çe Afrika ozodipərvərə lideron xotırəş de ehtıromi yodış kardə və bəyonış kardə:“İron İslom Respublikə bənə qıləy nığılə dusti unvoni həmişə çe Afrika kəno bıə və de ğururi muxtəlifə sahəonədə siyosi və ixtisodi baxşonədə,min cumlə hırd iyən dıjdə sənaye sektoronədə və ustod iyən tələbə mubadiləonədə və sayir koonədə bo həmkoətiro hozzıye."

İroni xarici koon vəziri həmçinin votəşe:14-ə hukumət bə Afrika xususi dığğət nışon doydə və umu kardedəm ki,çın həmkoəti qıləy dəvəşə ayəndəş heste.