Pokistoni 1 minnə vəziri de Yolə Rəhbəri vindımon

İslomiyə inğilobi yolə rəhbəri təkidış kardə İron İslom Respublika və Pakistan de iyandı həmkoəti karde bəznen islom dınyoədə təsir bınən və Fələstinı məsələ çı səhvə royku xaric bıkən və əlovəş karde əmə bə islom dınyo tale çokə diyəmon heste və xəyli hadisəon çəmə çokə diyə bə ım məsələ təsdiğ kardedə.

İslomiyə inğilobi yolə rəhbəri təkidış kardə İron İslom Respublika və Pakistan de iyandı həmkoəti karde bəznen islom dınyoədə təsir bınən və Fələstinı məsələ çı səhvə royku xaric bıkən və əlovəş karde əmə bə islom dınyo tale çokə diyəmon heste və xəyli hadisəon çəmə çokə diyə bə ım məsələ təsdiğ kardedə. Bə Pars todey xəbəron əsosi İslomiyə inğilobi rəhbəri Həzrət Ayətullah Xameneyi zinə de Pakistanı 1 minnə vəziri Şəhbaz Şərif və dəy omə heyəti vindımonədə islom dınyo məcmuədə bə pakistanı xususiyə vırə işorə kardeədə bə İron və Pakistanı təsir ənə mıştərəkə fəoliyyəton zərurəti, ğəzzədə sionist rejimi cinayəton ğət kardeyu təkidış karde. İnğilobi yolə rəhbəri ım vindımoni əvvələdə Pakistan və hindustanı miyonədə canqi bə oxo rəseku ıştə şoəti elon kardeədə, 2 qılə məmləkəti ixtilofon həl beyu ommidvarətiş karde və fələstinı macəroədə bə Pakistanı ve çok və zumandə siyasəton dəvardə soronədə işorəş karde və votışe: qıləy holədə ki dəvardə soronədə həmmişə, islomiyə məmləkəton de sionist rejim rabitə bərpo be həvəs hest bı əmmo Pakistan heç vaxti ım həvəsi roədə ğərorış nıqəte. Həzrət Ayətullah Xameneyi, ımrujnə dınyoədə veyə zumandətiyu bə islomiyə omməti veyə zərfiyəton işorə kardeədə əlovəş karde qıləy şərayetədə ki canq tələb əkon dınyoədə ixtilof və canq icod kardeyu ciddiyə niyyətışon heste, yeqanə çi ki karde bəzne islomiyə omməti əmniyyəti təmin karde islomiyə məmləkəton miyonədə vəhdət və ım məmləkəton miyonədə rabitə zumand kardeye. Yolə rəhbəri fələstinı məsələş, islom dınyo 1 minnə məsələş zınə və bə Ğəzzə təəssıfinə şərayeti işorə kardeədə votışe: Ğəzzə şərayet bə qıləy vırə rəsə ki Avropa və amerkədə cəmaət de aksiya bərpo karde bəştə devləton etiraz kardən əmmo jıqo qıləy şərayetədə bəzi islomiyə devləton sionist rejimi kənoədə mandən. İslomiyə inğilobi yolə rəhbəri təkidış kardə İron İslom Respublika və Pakistan de iyandı həmkoətion karde bəznen islom dınyoədə təsir bınən və Fələstinı məsələ çı səhvə royku xaric bıkən və votışe: əmə bə islom dınyo tale çokə diyəmon heste və kali hadison çəmə mısbətə diyə təsdığ kardedə. Həzrət Ayətullah Xameneyi eyne holədə İron və Pakistanı məmləkəton rabitəş qam və bə bıvəti əsosış zınə və bə ironi zid təşkil bə canqədə bə pakistanı çokə siyasəton işorəş karde ki bənə bıvə rabitə qıləy nımonəy, və 2 qılə məmləkəti ısətnə həmkoətionış mıxtəlif cəhətonədə intizorədə bıə səviyəku bejiş zınə və əlovəş karde 2 qılə məmləkət xəyli baxşonədə karde bəznen bə iyandı komək karde və ommidımon heste ım səfər mıxtəlif baxşonədə xususi ixtisadi, siyasi və mədəniyə baxşonədə bə rabiton inkişofi komək bıkə. İnğilobi yolə rəhbəri eyne holədə nakonəsə ve ECO təşkilati fəol kardeyu bə İron və Pakistanı həmkoətion zərurəti təkidış karde.