İroni XKV rəhbər:Urani qəncin kardey çəmə sıə xətte

İroni XKV rəhbər:Urani qəncin kardey çəmə sıə xətte

İron İslom Respublikə xarici koon vəziri urani qəngin kardey xandi kardey və dəvom doeyış çe İslomi Respublikə sıə xəttış hisob kardə.

Pars Tudey bə Tele-Rədyo xəbə aqentəti istinodən doə məlumoti əsos,İron İslom Respublikə xarici koon vəzir Seyd Əbbos Ərağçi çe İroni prezdent Məsud Pezeşkiyani bə Omani bıə səfə çərçivədə“urani qəngin kardey məsələdə de hiç kəsi zərfət kardedənimon” votəşe və əlovəş kardə:“İron-AİŞ mızokirəon nuyə raundi torıx yəğın ki,çandə ruji ərzədə mıəyyən bəbe”.

Seyd Əbbos Ərağçi bın səfə zəmonədə bə de İron-AİŞ mızokirəon anqıl de Omani rəsmiyon votemonon bey-ya nıbey sıvoli cəvobən votəşe:“Məsləhəton və fiki mubadiləon bardey təbiyie,lakin çın səfə mohiyyət bə mızokirəon xoto ni”.

İroni xarici xarici koon vəzir həmçinin çe İron İslom Respublikə prezdenti bə Omani bıə səfə nəticəonış mısbət zıne və ğeydış karde:çəmə de Omani bıə rabitəon vey çokə royədəy,dıtərəfinə hurmət vey barzə səviyyədəy və mutəğobilə mənafeyon boçəmə həmkoətiro yeqanə meyore.

Seyd Əbbos Ərağçi ımış həm ğeyd kardə ki,əqər çe Avropə mevğey urani qəncin kardey bə sıfri rosneyebu,bəvədə çəmə de nuvə məsələ anqıl deəvon həni hiç qıləy votemononımon nibəbe.