Pezeşkiyan:İroni doktrinadə nuvə silohi hiç qıləy vırəş ni

İron İslom Respublikə prezdent bə İroni doktrinadə bo atomi silohi qıləy vırə nıbey təkid kardə holədə elonış kardə ki, İron İslom Respublikə rəsmi mevğey bə forma dənoə çi,bə nuvə silohi inkişofi əleyh oşkoə şikilədə mandə sistemi suverenəti və rəhbərətiye.

İron İslom Respublikə prezdent Məsud Pezeşkiyan bə Oman TV doə ıştə musahibədə votəşe:Bə beynəlxalğə huğuği əsosən,har qıləy kişfəri bo sulhamiz iyən dincə məğsədon xoto elmi və ekspertə təhğiğoton,de urani qəncin kardey və nuvə enerji əloğədor fəoliyyəton bə həyot dəvordıney huğuğış heste.

Bə "Pars Tudey" doə məlumoti əsos,Pezeşkiyan bın interviyuədə əlovəş kardə:"Elm bə qırd dınyo məxsuse və çe həmmə insonon zıney,texnoloqiya və elmi imkononku foydə bardey huğuğış heste.Hiç qıləy kişfər ın həxı coqlə məmləkətiku sey əzıni.əve,əmə həm urani qəncin kardey hiç qıləy şikilədə oqəteyro bə təzyiğon təslim nibəbemon. In mığovimət çe İron İslom Respublikə fəxre və əmə bımi isror iyən təkid bəkardemon".

Pezeşkiyan bın televiziya musahibədə ımış həm bə yod dənoə ki,əqər mısılmınon bə həğiği ibemon və vəhdəti noyil bıbon,əvon boştə qıləy nu və mıstəğilə nizomi icod kardey bəzıneyn.İron İslom Respublikə prezdenti votəşe:"İslomi məmləkəton qəncinə kapital,barzə insoni resurson,qəncinə mədəniyyət iyən ğədimə sivilizasiyaşon heste.əve,həm əmə bə ın meydon iyən sahə dəşey və rol ifo kardey bəzınemon və çəş məkəmon ki,cokəson boəmə qıləy hənəki dizayni bıkəşon.çəmə həm ın rol və qlobal səhnədə təsirin və həlləkə rol ifo kardey zu və hınəmon heste".