İmom Xameneyi:atom sənaye bə ironi milləti ayide və bə Amerkə iyən bə cokəson ayid ni

İmom Xameneyi 4 şanbə sıb,mərhum imom Xomeyni pokə hərəmədə cəmaəti əzəmətin və hərorətinə icmaədə, atomi milliyə məsələ ruşin kardeyu,atom enerji komil və fəxrinə məsələku ironi bəhrə bardeş millət və cıvonə alimon bə əmə karde bəznemon bovə nəticəş zınə.

İmom Xameneyi 4 şanbə sıb,mərhum imom Xomeyni pokə hərəmədə cəmaəti əzəmətin və hərorətinə icmaədə, atomi milliyə məsələ ruşin kardeyu,atom enerji komil və fəxrinə məsələku ironi bəhrə bardeş  millət və  cıvonə alimon bə  əmə karde bəznemon bovə nəticəş zınə.

İslomiyə inğilobi yolə rəhbəri , elmon və sayirə sənaye inkişofədə bə atom sənaye muhimmə təsiron işorə kardeədə Amerkə tərəfo təğdim bə atomı planış,   əmə karde bəznemon ro oj əkə əslədə komilə ziddiyyətış zınə və təkidış karde atomi əzəmətinə sənaye, orani qəncin kardeku kəno əmələn be foydəy və Amerkə iyən sionist rejim bıznon ıştə əsosə hədəfi bə nəticə rosneyu yəni ironədə atom sənaye cəm kardeyu heç qılə ğələt karde əzın nin.

Bə pars todey xəbəron əsosi imom Xameneyi əlovəş karde İron de cıvonon huşi bərəkət və alimon cəhdi, karde zınəşe atom enerji komilə prosesiku bəhrə barde, qıləy holədə ki ım zumandəti sohib bə məmləkəton dınyoədə kamin.

Yolə rəhbəri atom sənaye foydəş fəğət bə pok iyən erjunə elektrik ya ruşnə istihsoli aidış nıznə və əlovəş karde atom sənaye qıləy inə və əsosə sənaye heste və bə mıtəxəsison və alimon məlumaton əsosi bəpe bə millət təğdim bıbo, bənə atominə fizik, enrji muhəndesi, maddon muhəndesi,bınəynə elmon hasə iyən tib təchizaton, aviyasiya və elektronikiyə dəğiğə hissi cihazon bə atom sənaye vobəstə ya çəyku təsir qətedən.

İmom Xameneyi atom sənaye faydonış tib və dəmoni baxşədə saxtə noxəşətion zıne və əvoni çok karde və çı sənaye təsironku bə di təsərrufati sənaye və ekoloqiya, çəy coqlə bəhrəonkuş zınə və votışe: atom sənayeədə orani qəncin karde qıləy əsosə nuğtəy ki çəmə deşmenon həm ım nuğtə piyo dastışon noə.

Yolə rəhbəri atomi əzəmətinə sənaye, orani qəncin karde ğıvvəku bə kəno be foydə mande dəlili bəyonədə votışe: orani qəncin kardeku bə kəno ,stansiyaon enerji təmin kardeyu bəpe  bə kəson tərəfi dasti dıroz bıkəmon ki əvışon heste, bimi mandedə ki bəmə bıvoton natiku bəhrə barde vocodəndə, stansiya iyən benzinı istihsol karde həğın ni və bəpe benzinı hıriye və təmin kardeyu bə coqlə məmləkəton  tələbi əməl bıkən.

İslomiyə inğilobi yolə rəhbəri əlovəş karde orani qəncin kardeku kəno və enerji istihsol nıkarde surətədə hətta 100 qılə atom stansiya həm bə dard əqın ni,çun ki enrji təmin kardeyu bəpe bə Amerkə tərəf dasti dıroz bıkəmon və əvon mumkine 10 qılə şərt ım koxoto təin bıkən, jəqo ki 8- minnə soronədə 20 faizə enerji təmin kardeyu ım məsələmon təcrubə karde.

Yolə rəhbəri , atomı məsələdə amerkəvıjon 1 minnə qəp və tələbış çı sənaye və çəy cur bə curə faydonku komilə  şərayetədə ironi  milləti məhrum karde iyən çandə həzo mıhəğğiğ və atomi cıvonə alimon be ko iyən məyus kardeş zınə və votışe: Amerkə be ədəb və qusraxə rəhbəron ım tələbışon de mıxtəlif zıvoni tikrar kardən.

Yolə rəhbəri Amerkə  zuə tələbon həğiğətış de ironi milləti inkişof və sərvətmand beədə mıxalifət kardeş zınə və təkidış karde ım həğiğətonım vote ki ironi millət tikəy cəriyanədə ğəror bıqəton , məsul şəxson həm bəpe ve izah bıdən.

İmom Xameneyi təkidış karde çəmə cəvob bə Amerkə yavə əvot iyən ğal məğal rost əkə   və  be tədbirə devlət məlume və Amerkə qıləy prezdenti ocizəti elon kardeədə ki votəş be əqər karde əznimon İroni atom sənaye, piç-muhrə(çəxon) oj əkəymon bə yodış dəğande və əlovəş karde ımruj çəmə atom sənaye çəxon iyən piç-murəon ve zumand bən və jəqo ki ə prezdent etirofış karde  karde nıznəşe heç hərəkəti bə nav barde, səhyoni və Amerkə ımrujnə hakimon həm bıznon ki ım kərə həm heç qılə ğələt karde əzın nin.

Yolə rəhbəri islomiyə Respublika 1 minnə qəpış bə amerkəvıjə tərəfi və ironi atom sənaye moqlə muxalifon, çəvon iddaon huğuğiyə məbno və əsosi de sual işarə dim bə dim kardeş zınə və votışe: çəmə qəp bəvon ıme ki ironi milləti extiyor çəvon dastədəy.şımə ım ko konco hestin və huğuği kom qılə səviyəku çəmə orani qəncin karde be ya nıbe həxədə mudaxilə kardedən.

İslomi inğilobi yolə rəhbəri mərhum imom Xomeyni pokə hərəmədə cəmaəti əzəmətin və hərorətinə huzurədə, ımrujnə dınyo əvəzonədə bə islomiyə inğilobi ruşinə təsiron işarəş karde və təkidış karde əzəmətinə şəınış bıə mərhumə İmom de tədbir və əğlaniyyət ki imoniku sərçəşməş qətə be, inğilob və məmləkəti zumand və izzətmandə hərəkəti dəvom pəydo karde əsosış, milliyə istiğlali əsosə məno jiyədə ğərorış do və əzizə İron həminəəsli nuvraniyyətədə bə inkişof,umumiyə roziyəti, dəvominə əmniyyət,xariciyə muvğeiyyətdə inkişof və bəştə ruşinə tale rəs.

İmom Xameneyi ıştə bəyonoton oxonə baxşədə ,ğəzzədə bə sionist rejimi heyrətinə cinayəton işarə kardeədə ki xurəti baxş kardeyu qıləy mərkəzi icod kardeədə cəmaəti qullə baran kardedə və votışe: xəbisəti, şərorət, və zılm ım mığdorədə həğiğətən bə heyrət bois bedə.

Yolə rəhbəri amerkəş, sionist rejimi cinayəton şərikış zınə və əlovəş kardeboçimi xotoye ki ciddiyə bovəmon heste Amerkə bəpe məntəğəku xaric bıbo.

İmom Xameneyi islomiyə devləton təklifış qon zınə və təkidış kardə ımruj , mulahizə, muhafizə karəti, be tərəf mande iyən  sakit mande vırə ni və əlovəş karde əqər qıləy islomiyə devlət de har şikili və bəhonə çı rabitə bərğəror kardeədə, çı fələstinı milləyu komək rosniyə roon dəbasteədə və çı sioniston cinayəton dəlil pesoxteədə çı rejimiku himoyə bıkən , yəğinışon bıbo ki əbədiyə nənq, çəvon təvili sə bəmande.