Yolə Rəhbəri bo hociyon vığandə mesaj

İslomiyə inğilobi yolə rəhbəri Həzrət Ayətullah Xameneyi, ımsornə sori Həc fəsli mınosibəti qıləy mesajədə, de aqahəti həmro bıə Həc iyən çəy dərsonış, islom dınyo ımrujnə dardon əlocış zınə və ğəzzədə bə səhyoniyə rejimi cinayəton işorə kardeədə ,islomiyə devləton həmməysə muhimmə vəzifəş ğəzzədə bə insoniyə faciə dəvomi mane be və bə Amerkə təziğ nışon doeş zınə ki səhyoniyə rejimi əsosə himoyə əkəy və millətonku tələbış karde devləton bəştə vəzifə əməl karde məcbur bıkən.

İslomiyə inğilobi yolə rəhbəri Həzrət Ayətullah Xameneyi, ımsornə sori Həc fəsli mınosibəti qıləy mesajədə, de aqahəti həmro bıə Həc iyən çəy dərsonış, islom dınyo ımrujnə dardon əlocış zınə və ğəzzədə bə səhyoniyə rejimi cinayəton işorə kardeədə ,islomiyə devləton həmməysə muhimmə vəzifəş ğəzzədə bə insoniyə faciə dəvomi mane be və bə Amerkə təziğ nışon doeş zınə ki səhyoniyə rejimi əsosə himoyə əkəy və millətonku tələbış karde devləton bəştə vəzifə əməl karde məcbur bıkən.

İslomiyə inğilobi yolə rəhbəru mesajədə jıqo oməy.

Bismillahe Rəhmane rəhim...

Həc muminon arızoy və aşığon id və səodətmandon mənəviyə rızğe, və əqər aqahəti çəy sirrinə nığılətiədə həmro bıbo, həmmə islomiyə ommət və bəlkə həmmə insoniyə dardon əloce.

Həccı səfər bənə coqlə səfəron ni ki ticarət ya turistəti ya cur bə curə hədəfonru əncom bedə və ehyanən çəy miyonədə qıləy ibodət ya xəyrə əməl həm əncom qətedə, Həcı səfər , addiyə jimoniku bə qıləy çokə jimoni tərəf hicrəti məşğ kardeye.

Çokə jimon, tohidiyə jimone ki bəvədə daimiyə təvof bə həğğı qırdoy, iyən daimiyə cəhətədə saxtə barzion miyonədə bə şərrə şəytoni daimiyə holətədə sığ ğandey.

De zikr iyən ibtihal vuğuf, bə piyəçınon və ehtoyoc bə kəson xurək doe, insonon ranq, millət, zıvon və cuğrafiya bərobər vinde və həmmə holədə xıdmət kardeyu hozzı mande və bə Xıdo pənoh barde və həğğı pərçəmiku mudafiə karde əçəy əsos və dəvominə baxşonədəy.

Həccı mərosim,  jıqo jimoni simvolinə nımonəş ıştə miyonədə cəmış kardə və hocion dəy oşno iyən dəvət kardedə  ,ım dəvəti bəpe səme,dıl iyən zahir və botini çəşi bəpe oj karde, bəpe ıştəni ım dərson oko doeyu zumand karde.

Ha kəs bəştə ğıvvə əsosi karde bəzne ım roədə qıləy ğədəm peqəte və alimon, ruşin fikon iyən siyasi və ictimaiyyətdə vəzifəşon bıə kəson , cokəsonsə ve hərəkət karde bəznen.

İslom dınyo ısət nakonəsə ve bə ım dərson oko doe ehtiyociş heste.

Isət ım Həccı 2 minnə fəsle ki həmzəman de Ğəzzə və Asiya ğərb faciə bərpo bedə.

Bə Fələstin hakim bə cinayətkarə sionistə band bə heyrət bois bə cinayəton iyən şərrə hərəkəton Ğəzzə faciəşon bə bovə nıkardə mərhələşon rosniyə.

Isət fələstinıjə hırdənon, bomba, qullə iyən  rəketonsə ve de təşyani iyən vəşyanəti kıştə bedən, mısibət vində ailəon ruj bə ruj ve bedən, çı kəs bəpe ım insoniyə faciə vədə bımando

Şək ni ki islomiyə devləton çı  təklifi 1 minnə muxatəbonku hestin və milləton bəpe , devləton ım ko əməl kardeyu təğib bıkən.

Mıslmonə devləton qasbo, mıxtəlif məsələonədə siyasiyə nəzəronədə ixtilafışon bıbo, ım məsələ bəpe bois nıbo əvon Ğəzzə  dəhşətinə macəron və ımrujnə dınyoədə insoniyə məcmuə həmməysə məzlumonku mudafiə karde roədə vahidə nəzəriku bə kəno bımandon.

Mısılmonə devləton bəpe bə səhyoniyə rejimi, həmmə  komək rosniyə roon dəbaston və cinayətkaron dasti ğəzzədə faciəvinə rəftoron dəvomiku ğət bıkən.

Amerkə, səhyoniyə rejimi cinayəton ğətiyə şərike.

Im məntəğədə de Amerkə əloğədə bıə kəson və coqlə islomiyə məntəğəonədə məzlumonku mudafiə kardeyu bə Kərimə Ğıroni  nido quş bıdən və Amerkə zılmkoə devləti bə ım zılminə rəftoron ğət karde məcbur bıkən.

Həccədə zulmonku  ıştə nifrəti elon karde mərosim ım roədə qıləy qəme.

Ğəzzə milləti bə mucizə mandə mığavimət, fələstinı məsələş islom dınyo və dınyoədə bıə həmmə ozodəon dığğət mərkəzədə ğərorış doə.

Çı fırsəto bəpe istifadə karde və bə ım məzlumə milləti bəpe komək karde.

Mıstəkbiron və səhyoniyə rejimi tərəfdaron fəoliyyəton kənoədə fələstinı nom  və yodi, yoddə bekarde, çı rejimi yolon şərrə zot və çəvon axməxə siyasəton qıləy vəziyyətış icod kardə ki ımruj Fələstinı nom, ha zəmanisə ve vəşedə və umumiyə nifrət səhyoniyə rejim və çəvon tərəfdaronku nakonəsə ve bə və ım islom dınyoro muhimmə fırsəte.

Sıxanəvoton və ictimaiyyətdə vırəşon bıə kəson lozime , milləton aqah və bə fələstinı aid huğuğ və tələbon bərpo karde məsələ inkişof bıdən.

Şımə səodətmandə hocion həm dıvo fırsət iyən Həccı mərosimədə mıtəalə xıdoku komək tələb kardeku ğəflət məkən və sıtəmqərə səhyoniyə rejim və çəvonku himoyə əkon vədə bə ğələbə nail ome mıtəalə xıdoku tələb bıkən.

Xıdavəndə xalıği sələvat və səlom bə islomi qiromiyə peyğəmbər və çəy pokə ailə və  səlom bə Həzrət Məhdi(ə)

Vəssəlamu ələykum və rəhmətullahi və bərəkatu

Seyd Əli Xameneyi