Pezeşkiyan:Ğıbonə id çı Xıdo vədə ibodəti vey səmimiyə təzahure
İroni prezident ıştə mesajədə İslomi kişfəron rəhbəron iyən xalğonış de Vohidə Xıdo bandəçəti id bıə Ğıbonə idi damey munasibəti təbrikış kardə.
Pars Tudey bə İRNA istinodən doə məlumoti əsos,cımə şəvi (15 xordad) qıləy mesajədə İron İslom Respublikə prezdent Məsud Pezeşkiyan İslomi məmləkəton rəhbəron iyən mərdumi de Ğıbonə idi damey munasibəti təbrik kardə holədə votəşe:Ğıbonə id Xıdo mığobilədə çe ibodət və təslimiyyəti həmməysə veyə səmimi təzahur və rəmze və çe Həzrət İbreymi(ə) İlahi imtovonədə bıə səbarzəti ruje.
Pezeşkiyani ıştə bın mesajədə bə yodış dənoə:Umu kardedəm ki,de ın muborəkə idi xeyr-dıvo bə mısılmınon ibemon və vəhdəti və bə İslomi milləti iftixoron çı har zəmonisə vey bey şoyd bəbemon və əmə çe Xıdovəndi bə Həzrət Muhəmmədi(s) nozil kardə ğıymətinə təlimon sayədə və İslomə dini mıxtəlifə sahəonədə inkişof və tərəğği royədə qəm peqətəmon.
Bə İRNA doə məlumoti əsos,İroni prezdent çımi bənav co-co telefonə qəponədə de İslomi kişfəron rəhbəron,ə cumlə həm de Səudiyyə Ərəbıston,Misr,Uzbəkiston,Tunis,Tacikiston,Ğazaxıston,Malayziya,İrağ,Tırkiyə,Ozoboycon Respublikə,Kuveyt,Ğətər,Oman və Tırkmənistoni yolon de Ğıbonə idi damey mınosibəti təbrikış kardə və İroni prezdenti həmtoon həm,bə de İron İslom Respublikə ıştə kişfəron rabitəon nığıl iyən zumand kardey təkid kardəşone.
