Milli Əmniyyət Komissiya sıxanəvot:Rusiyə İronədə həşt qılə Atom Elektrik Stansiya bəsoxte

Milli Əmniyyət Komissiya sıxanəvot:Rusiyə İronədə həşt qılə Atom Elektrik Stansiya bəsoxte

Milli Əmniyyət Komissiya sıxanəvot:Rusiyə İronədə həşt qılə Atom Elektrik Stansiya bəsoxte

İslomi Şura Məclisi Milli Əmniyyət və Xarici Siyosət Komissiya sıxanəvot İbreym Rızayi votəşe:Bə İroni Atom Enerji Təşkiloti rəhbəri bəyonoti əsosən,de Rusiyə imzo kardə bıə mığovilə əsosədə çın kişfəri tərəfiku İronədə 8 qılə nuvə stansiya soxtey bəbe ki,çəy çoqlə Buşehrədə bəbe.

İron iyən Rusiyə miyono bə İronədə 8 qılə atom elektrik stansiya soxtey dayir roziyəti,çe Moskva-Tehroni miyono dıtərəfinə əloğəon,xususən həm nuvə həmkoəti hovuj kardey cəhətədə qıləy ciddiyə əzme.

İslomi Şura Məclisi Milli Əmniyyət və Xarici Siyosət Komissiya uzvon dışambə ruji bə İroni Atom Enerji Təşkiloti Tehroni reaktori və bə radyofarmasevtika istehsoli kompleksi osəşon ğandə.Komissiya sıxanəvot İbreym Rızayi votəşe:Bın səfə zəmonədə komissiya uzvon de ko prosesi və bın sahədə bıə cərəyoni oşno bıən və bə həyot dəvordınə bıə oxonə tədbiron barədə məlumatışon bə dast vardə.

Bə İslomi Şura Məclisi Milli Əmniyyət və Xarici Siyosət Komissiya sıxanəvoti sıxani əsos,əy əlovəş kardə:Buşehr Atom Elektrik Stansiya 2 və 3-ə blokon qırd soxtemoni vohidon çe İroni şirkəton tərəfiku bə jimon dəvordıney bıə. Rızayi votəşe:Bə ironi Atom Enerji Təşkiloti rəyisi votey əsosən,de Rusiyə imzo kardə bıə mığovilə əsosədə, İronədə 8 qılə nuvə stansiya soxtey bəbe ki,çəy çoqlə Buşehrədə bəbe.

İbreym Rızayi həmçinin əlovəş kardə:Nuvə sənaye himoyə kardey çe İroni mərdumi tələbe.çunki ım,çe kişfəri ayəndə iyən vəomə təmin kardedə.