“Sadığə Vədə 3” əməliyyot bə seonist rejimi zinə cinoyəton cəvobən bino bıə

İslomi İnğılobi Muhafizə Korpusi İştimoiyyətli Rabitəon:“Sadığə Vədə 3” əməliyyot bə seonist rejimi zinə cinoyəton cəvobən bino bıə.

بسم الله الرحمن الرحیم

(İsra-8)وَإِنْ عُدتُّمْ عُدْنَا ۚ وَجَعَلْنَا جَهَنَّمَ لِلْكَافِرِينَ حَصِيرًا-اسراء( ۸)
De Mərhəmətin və Rəhminə Xıdo nomi

Bə seonist rejimi strateji mevğeyon ələyh “Sadığə Vədə 3” əməliyyot bino bıə.ısət de ın vəsilə və vositə,çın əməliyyoton təfərruotlon bə şərofətinə İroni mərdumi və bə dınyo ozodə xalğon rosneydəmon:Bın əməliyyotonədə İron İslomi İnğılobi Muhafizə Korpusi Ayrokosmik Ğıvvon raket və dron vohidon dəğiğ və ağılmandə sistemon tərkibonku istifodə kardə holədə,bəçəmə kişfəri ələyh və bə məntəğə xususən həm məzlumə Fələstin və Ğəzzə xalği zidd cinoyətkorə hucumi mənbə bıə hərbi mərkəzon və həvo bazəon və işğal bıə əraziyon nığılə vıronədə bıə co hərbi hədəfon bə ico,həmçinin çe seonist rejim ləşkəri tərəfiku xususiyə surətədə bə rəketi əleyh siloh və diqər hərbi texnika istehsolədə istifodə kardə hərbi sənaye mərkəzonış hədəf seyə.

Sahə hisoboton,peyk şikilon və kəşfiyyot məlumoton nışon doydə ki,çandə da qılə ballistik raket strateji hədəfon effektivə şikilədə jeyəşe.Dışmen çəvon navi qətey iddiyo həm bıko,bə İron İslom Respublikə rəketə hucumon ləpəon zidd mande zınəni.de İslomi İnğılobi Ali Rəhbər və Silohinə Ğıvvon Ali Sər Komandani əmri və bə İroni nəcibə milləti tələbon cəvobən bə həyot dəvordınə bıə “Sadığə Vədə 3” əməliyyot çe İron İslom Respublikə bə ru kardə bıə beqınoə xunon cəvobiku qıləy baxş və bir hissəy.ın əməliyyot de İron İslom Respublikə qırd aparaton və de Silohinə Ğıvvon koordinasiyadə,metəbər və hucumi şikilədə bə jimon dəvordıney bıə və çəy əsli iyən əsosə mesaj ıme ki,İslomi İroni əmniyyət çe Silohinə Ğıvvon sıə xətte.