Ərağçi, İron və Amerkə miyonədə muzakiron be əsose

İron İslom Respublika xarici koon vəzir zinə de Avrupa itifoği xariciyə siyasəti məsul şəxsi votımonədə bə Donald Trampı mesaj və sıxanon istinod kardeədə Telavivı deşmenə hərəkətış, Amerkə sərostə himoyəon nəticəş zınə və təkidış karde ki Tehron və Vaşinqtonı miyonədə ğeyre sərostə muzakiron dəvom qıləy vəziyyətdə ki sionist rejimi vəhşiqərətion dəvom kardedə be əsose.

Avrupa xariciyə siyasəton məsul şəxs Kaya Kalas de seyd Əbbas Ərağçi təşkil doə telefoniyə əlağədə , sionist rejimi bə ironi zid hərbiyə təcavuzi bəpeştə məntəğə əvəzon barədə muzakirəşon dəvoniyə.

İroni xarici koon vəzir ım telefoniyə əlağədə sionist rejimi hərəkətış ironi ərazi və hakimiyyəti darışteyu de şiddəti məhkumış karde və ciddiyə holətədə beynəlxalğə səviyədə, israil rejimi cinayəton vədə reaksiya və məhkum kardeş tələb karde.