Pezeşkiyan:Əmə təcavuzkor nimon

İroni prezdenti votəşe:İroni mərdum dast bə-dast doə holədə,bə əməl omə təcavuzi ələyh mehkəm mandən.

Məsud Pezeşkiyan çe Məclisi ımrujnə dışambə iclosədə seonist rejimi çe İroni i qrup silohinə ğıvvonku barzə rutbəynə komandiron,elmi xadimon və İroni mərdumi bə şəhodət rosney anqıl cinoyətkorə əməlonış məhkum kardə və votəşe:Dışmen de je-kuey,kıştey və terror kardey əməni və milləti çe səhnəku xaric kardey əzıni;çunki pərçəmış eqınə çe har qıləy ğəhrəmoni vədə bə çın tarsovon kardə zılmi,cinoyəti,xəyonət ələyh mandə co çandə sa qılə ğəhərmonımon heste.

Əy əlovəş kardə:Çəmə nuvə enerji və bə ın cəmyəti foydə doə tədğiğotonku foydə bardey həxımon heste və hiç kəsi ın həxı çe İslomi sistemiku və Respublikəku sey həxış ni.

İroni prezdenti votəşe:Əmə bə həmmə İslomi kişfəron bıvəti dastımon dıroz kardə;çunki əvon həmmə çəmə bıvonin;ımruj çəvon əksəriyyət,bəlkəm həm çəvon həmmə votey bəzınımon ki,əmə kəno bıən iyən bəbeyn.Pezeşkiyani təkidış kardə:Amerkə zu tətbiğ kardedə və bə beynəlxalğə ğaydəon zidd bıə holədə çe sehyosnit rejimi bəçəmə kişfəri hucum iyən təcavuzi icozə doydə.