YUNISEF:Ğəzzə tanqədə bıə məktəbon 98% canqədə vironə kardey bıən

YUNISEF-i Ğəzzə tanqədə bıə məktəbon 98% canqədə xərobə beyku xəbəş doə

YUNISEF-i Fələstinədə bıə sıxanəvoti bəyonış kardə ki,Ğəzzə tanqədə məktəbon 98% muharibədə və israyili rejimi hucumonədə,həmən 638.000-sə ziyodə fələstınıjə hırdənon təhsiliku məhrum kardeyədə vironə kardey bıən.İMT Hırdənon Fondi(YUNISEF) sıxanəvot Kazım Əbu Xələfi bəyonış kardə:Ğəzzə tanqədə bıə məktəbon 98% bə canqi səbəbiku volo kardey bıə və Ğəzzədə 638.000-sə ziyodə fələstınıjə hırdənon muhoribə səbəbiku məktəbiku məhrum bıən.

Milodi 2023-ə sori oktyabrədə çe Ğəzzə canqi bino beyku jıqoşə həmməysə dıjdə saxtəti çe təhsili materiyalon nıbeye.YUNISEF-i sıxanəvoti ğeydış kardə:Muharibədə təxminən həzo təhsili koəvon və 20.000 şoqird şəhid bıən.