Trampi Qrenlandiyaş boçiye?

Arkitakadə sori dırozi biyə jintono bə  Qrenlandiyə cəzirə AİŞ prezident Trampi rohət oğətedəni. Yanvari 4-də bo jurnaliston mətbuat konfransədə Trampi bəyonış kardə ki, Qrenlandiya bo Amerika əmniyətəti ro vey vocibe.

Bəvədə joğo interesi səbəbon həni çiçin? Qrenlandiya coğrafi mevğe jəğoe ki, ın cəzirə heyğətən strateji əhəmiyətine. Peş İİ Dınyo canqi bədiqə AİŞ əyo bə Sovet hokuməti əleyh bo ıştə bombardmanəkon vırəşon kardə be. Qirəm əyo bə biyəji resurson nəzə səğandəmon, bəvədə Trampi interes dırıs oşko bedə.
İntasi Trampi bəyon kardə «çin və rusiya kəştonku omə təhdidon» – qılı pesoxtə vone, çumçoko bın zonadə çin və  rusiya kəşton nin, ğərəz rusiya oviji kəşton, ımən çandi çand sorone joğoe. 
Amerika Ğərb ğutbış boştə vocib səmt təyin kardə və bın səmtədə çəvon ekspansiyə dəvom bəkard. Əmmo Qrenlandiya ımruj prioretetin ni, çumçoko bıçimi ro vey siyosi və maliyə resurson sərf karde lozim bəbe.
De Trampi bəyonati АİŞ nezo de Kolumbiya, Meksika və Kuba xeyli işqilon hıstin ki, vəy oməyonədə həll karde lozim bəbe. Əve məğsəd dığğəte əsos hədəfonku vitvoneye.