Ərağçi:israili cinayət ğanunı hakimiyyətış de sual işarə dim bə dimış kardə

Sionist rejimi bə İron ğeyre ğanuniyə hucumon nəticədə de şiddəti təhdidi mərəzədə ğərorış qətə və çəşnaviş doə ki ım noədolətin və cinayətkarə canqiyu har qılə dəlil pesoxte, ım cinayətədə şərik mande mənoədəy.

Bə İRNA nəğli əsosi pars todey xəbəş doə ironi xarici koon vəzir seyd Əbbas Ərağçi cenevrədə insonə həxon şura iclosədə votışe: İron, qıləy rejimi tərəfo ki dəvardə 2 sori mıddətədə fələstinədə bə dəhşətinə qenosid dastış ğandə və hamsuyə məmləkəton sərzəminış işğal kardə de qıləy ticavuzkar və şərminə hərəkəti dim bə dim bə.

Ərağçi əlovəş karde israili rejim har qılə təhrik beku kəno bə ironi zid qıləy təcavuzış təşkil doə ki İ bə milləton təşkilati 2 minnə maddə 4 nə baxşi oşkoə holətədə darışteye və bə həmmə ğaidə zid qıləy cəsurətinə hərəkəte ki şura bə çəy əsosi bino bə.