Nikzad: çəmə bumiyə texnoloqiya miyono şənin ni
İroni islomiyə şura məclisi rəisi muavin, Amerkə bə ironi atom təsisaton bardə hucumi vədə reaksiyaş nışon do və təkidış karde ki sulhin atom enerji ironi milləti ruşinə həğğe.
Əli Nikzad ımruj votışe: be şəxsiyyətə sionist rejim ki ne mədəniyyət,tarix. Cuğrafiya, məntiğ və insoniyyətış heste cımə xordad manqi 23 nə ruji bə İron hucum bardə ki çəy nəticədə hərbiyə fərmondəon, alimon və be qınoə millətiku çandə nəfər bə şəhodət rəsən.
əvon fik kardə bin karde bəznen çı royku bə islomiyə İron nəhoiyə zərbə bıjənon əmmo nımonəviyə mığavimət iyən inğilobi yolə rəhbəri tədbirışon vinde.
Əv əlovəş karde ım təcavuzkarə hərəkəti bəpeştə ironi hərbiyə fərmondəon de surəti təin bin və ha çəxtə bə nav şimon ironi mudafiə cəhətədə ıştənış ve zumand nışonış do və sionist rejimi meynəş arışte.
