İroni sepah fərmondə: çəmə mubarizon dast triqqeron piyoy

İslomi inğilobi sepahe pasdaranı fərmondə votışe: əmə heç vaxti bə deşmen bovəmon bə ni və ısət həm bovəmon ni və təkidış karde çəmə həmmə canqəvəron dast triqqeri piyoy.

Bə İRNA aqentəti nəğli əsosi pars todey xəbəş doə islomiyə inğilobi sepahe pasdaranı fərmondə qeneral mayor Muhəmməd Pakpur, Nəbiyye Əkrəm(s) mərkəziyə ğərorqohədə ironi sepah fərmondəon cəmədə votışe: əqər deşmeni tərəfo qıləy xəto əncom bıbo hətmi bənə ə dəvardə 12 ruj ğəhrəmanə reaksiya nışon bədomon.

İslomiyə inğilobi sepahe pasdaranı fərmondə əlovəş karde çı məmləkətiku mudafiə kardeyu i ləhzə həm bə şək-şubhə ro ədə nimon.