Laricani:Mığovimət həmişə ğalibe

İroni Ali Milli Əmniyyət Şura katib Fələstini mərdumi bə seonist rejimi həbsxonəonku ozod kardə bıə məhbuson vəy beşey məsələ işorə kardə holədə votəşe:Mığovimət həmişə ğalib və sabite.

İroni Ali Milli Əmniyyət Şura katib Əli Laricani dışambə ruji X sosyal şəbəkədə ıştə şəxsi səyfədə nıvıştəşe:Bə şucoətin iyən məzlumə Fələstini xalği ozod kardə bıə məhbuson de həyəconin və mehtəşəmə formə vəy beşey mərosim çe kom tərəfi səbarz beyış nışon doe.

Bə "Pars Tudey"-doə məlumoti əsos,Laricani əlovəş kardə:seonist rejim ısət təsvironədə vindedə ki,dısornə vəhşiyə ğətlon bədiqə çe HƏMAS-i mevğey və mığovimət çe milləti ğəlbədə çokonə barz bıə.Laricani təkidış kardə:Mığovimət həmişə ğalib və sabite.