Тırkiyə İrağiku həni həm vey nat bəstəne 

İraği nat

De çəy sıxani, İraki çe Tırkiyə miyonədə nat eksporti bərpo iğtisodi əloğon ro vey vocib məğame və ım bə İrak xəzinə vey yolə ğəzənc vardə, hamsuyə kışvəriən bə nati tələboti bə kam kardedə. 
Kırdostoniku nat eksport manqi bə nav Bağdad, Ərbil və BOK miyonədə se manqinə roziəti sozişi imzo bədiqə bərpo kardə bə. Eksport, 2023-minə sori martədə Paris arbitraj məhkəmə Аnkara 1973-minə sori lulə mığavilə darışte barədə bekardə ğərori bə peşt oğətə bəbe. Im ğərori 2014-minə soriku nat eksport kardə Ərbili mıstəğıl nat eksport karde imkon doəş be. 
Kırd nati bərpo yolə dastəkış sə və lideron umu kardən ki, dırozmıddətinə mığavilon bastə bəben. 
De İrak Nat Vəzir Həyyan Əbdul Ğəni boyonati, hələ həftey nav bərpo, hokuməti Kırdistoniku bə Tırkiyə iminə partiya nat həvatəş be və ısət de İraq-Tırkiyə lulə vığandə nat Ceyhan portədə qırdə bedə, peşo çəyo hissə-hissə dəro kardə bedə. 
Kırdon nat eksporti omə ğəzənciku bə İraq xəzinən doənin.
Тırkiyə de kontrterorə vonə Şimoli İraqi i hissə zəbt bıkoən, vinde bedə ki, ım bo nat ekspori işqil ni, təki ğəzənc bıbo.