Hindıstoni mısılmınon bə BCP partiyə barzə rutbəynə uzvi doə reaksiya
Hindıstoni mısılmınon çe BCP partiyə barzə rutbəynə uzvi bə Məhəmməd Pəyğombəri(s) mığəddəssə zoti təhğır kardey şiddətinə reaksiya doəşone.
Hindıstoni mısılmınon çe BCP partiyə barzə rutbəynə uzvi bə Məhəmməd Pəyğombəri(s) mığəddəssə zoti təhğır kardey şiddətinə reaksiya doəşone.
Hindıstonıjə alim Huccətul-İslom Seyd Nəsar Huseyn Heydər ıştə doə bəyonotədə,kişfəri BCP partiya numayəndə və barzə səviyyəynə uzv bıə "Raca Sinq"-i bə İslomi Pəyğombər Həzrət Məhəmmədi(s) mığəddəssə zoti təhğır kardey ayid oxonə hərəkətış məhkum kardə.əv,çe Hindıstoni Telenqana əyoləti hukuməti dərhol və hiç qıləy zəmon qim nıkardə holədə bə ın şəxsi ələyh ğəti və oqətəninə huğuği tədbiron vindeyış tələb kardə.
Hindıstonıjə alimi əlovəş kardə:Raca Sinqi bə İslom iyən mısılmınon zidd de nifrəti pur və təxribot xarakterinə sıxanon qıləy nuyə məsələ ni,lakin oxonə rujonədə bə rəhmət və mehribonəti Pəyğombəri nuroniyə hərəmi ələyh çırkin və təhğiramizə sıxanon çe çandə milyon mısılmınon və qırd ozodi və ədolətpiyə insonon ğəlbış zəxmin kardə.
Huccətul-İslom Seyd Nəsar Huseyn Heydər ın curnə təhğiramizə rəftoronku nığılə təəssıfi hissi dəvordınə holədə ki,təkidış kardə Hindıstoni hukumət bəpe bə ın cur təhğıron zidd ğanuni,ğəti və ibrətamizə qəmon şodo ki,hiç qıləy şəxs və ya qrup bə İslomi mığəddəson və bə ilahi şəxsiyyəton ələyh behurmətəti kardero qıləy cəsorətış nıbu.
