İrağədə ironi huseyniyə zairon şəhodəti xoto president Ruhani səbəsəlomətə mesaj.

İron İslam Respublika president elanış karde iraği Hellə şəhrədə terroriston hərəkətış Huseyniyə zairon bə şəhodət rusneyu çəvon ociz mandeku iborətış zınə.

İron İslam Respublika president Həsən Ruhani zinə iraği Babel ostani Hellə şəhrədə terroriston tıpımonə əməliyatış məhkum karde və votışe:Ərbəine Huseyni(ə) əzəmətinə mərasim Aşuraiyə milləti əzəmətinə hərəkəti qıləy baxş be ki terroriston çəy vinde çəşışon nıbı.

president Ruhani mesajədə oməy ki terroristiyə əməliyat ki bə çandə qılə ironi Huseyniyə zairon məzlumə şəhodət həmmə mıslmonon məxsusən şiəyon dılış dujni.

president Ruhani ıştə mesajədə iraği devlətiku ım cinayəti təşkil kardə kəsonədə ciddiyə rəftori təşkil karde barədə işarəş karde və bə yarəjəon iyən ziyan vində kəson komək kardeyu iron islam respublika hozzı mandeku xəbəş do.

president Ruhani mesajədə işarə bə ironi devlət de terroriston iyən təkfirion həmmə cəhətonədə mubarizə kardeyu hozzı heste..və əlavəş karde dınyo bı nezə rujonədə terroristiyə qrupon iyən çəvon tərəfdaron vədə bə iraği milləti səbarzəti şohid bəbe.

İron İslam Respublika president bə şəhidon ailəon səbəsəlomətiş do və yarəjəon ru şifo arızoş karde.

iraği Babel ostani Hellə şəhri Əlşumli məntəğədə qıləy maşini dılədə noə bə bomba tıpeədə desbə ısət Huseyniyə zaironku 80 nəfər şəhid və yarəjə bən.

ım hadisədə 40 qılə şəhidonku həm ironıj hestin.

İŞİD terroristiyə qrup çı terroristiyə əməliyati məsuliyətış bə qi qətə.