İslomi İnğılobi Yolə Rəhbəri İroni millətiku ğədrdonəti mesaj

De Dey manqi 22-ə ruji hevujə cəmbemoni anqıl İslomi İnğılobi Yolə Rəhbəri İroni millətiku ğədrdonəti mesaj

Pars-Tudey -İslomi İnğılobi Yolə Rəhbər de qıləy mesaji,hevuj iyən ofəyə bıə torıxi ruji cəmbemonədə çe yolə şə`ni soyb bıə İroni milləti dıjdə koyku ğədrdonəti kardə holədə təkidışon kardə:İroni millət ıştənışon,ıştə hımmət iyən hoviyyətışon bə dışmenon nışon doşone iyən ım bə amerkə siyosətmədoron qıləy çəşnavi be ki,ıştə hiyləqərəti oqəton və bəştə xayinə muzduron peştıpur nıbon.

İslomi İnğılobi Yolə Rəhbər Həzrət Ayətullah Xameneyi bə İroni milləti xitobən doə mesaji mətn de ın şərhiye:

Bismillahir-Rəhmanir-Rəhim

İroni yolə şə`ni soyb bıə millət ha!Şımə ımruj qıləy dıjdə koon karde iyən qıləy torıxi rujon ofəye.Im dıjd iyən de ğoymə əzmi pur bıə cəmbemoni,çe xarici dışmeni de daxili muzduron dasti tətbiğ kardey piyə məkrinə planış botıl karde.

İroni yolə millət,ıştə hımmət iyən hoviyyətışon bə dışmenon nışon doşone iyən ım bə amerkə siyosətmədoron qıləy xəbərdorətiye be ki,ıştə hiyləqərəti oqəton və bəştə xayinə muzduron peştıpur nıbon.

İroni millət,zumand iyən ğudrətine,aqah iyən dışmenşınose və həmmə holonədə səhnədə iştirokışon heste.

Xıdovənd ıştə rəhməti bəşmə həmmə nozil bıko.