İroni mudafiə vəzir:təhdidon vədə bə heyrət bois bə planonımon heste

İroni mudafiə vəziri votışe:əqər deşmenon qıləy ğələt bıkən dınyo ha vırədə bə çəvon faydon hucum bəbardemon.

Bə pars todey xəbəron əsosi qeneral mayor pilot Əziz Nəsirzadə votışe: de təhdidon mubarizə bardeyu deşmenon motəjə kardeyu planonımon heste və hucumkardəkəson çı heyrətinə planonku veyə dard və əzob bəvinden.

Əv eyne holədə bə ım zəmonə Feron və çəy ğoldorə hərəkəton ki de mıxtəlif bəhonəon ironi milləti bə hərbiyə hucumon təhdid kardeədə işorə və çəy vədə çəşnaviş do, ki əqər çəvon tərəfo qıləy səhvə hərəkət əncom bıbo  və çəmə məmləkəti faydon de hucum dim bə dim bıkən dınyo ha vırədə bə çəvon faydon hucum bəbardemon və ha məmləkət ki ım hucumonədə bəvon komək bıkə və ya ıştə hərbiyə mərkəzon hucum əkon extiyorədə ğəror bıdə çəmə ğanuniyə hədəfonədə dim bə dim bəbe.