De Həzrəte Əbulfəzl Əbbos(ə) milad ruji sorqardışi mınosıbəti təbrik

Imruj Hicri Ğəməri 1447-nə sori Şəbanə manqi 4 Miladi 2026-nə sori Yanvari 24 ijən de Həzrəte Əbulfəzl Əbbos(ə) milad ruji sorqardış bərobəre.

Ə Həzrəti qerami moə Umulbənin nomış bıə Xanım be ki Həzrəte Fatimə Zəhra(s) bəfotiku bəpeştə bə Həzrəte Əli(ə) jenı-şuyəti iftixor noil bıə.

Aşura əzəmətinə rujədə Həzrəte Əbulfəzl(ə) ıştə eşğ və irodəti bəştə zəmonə İmomi subutış karde ijən de mislış nıbıə fədokorətion nışo doe ijən dıştə şəhodəti, çı bəfodorəti sahədə bo mısılmononro əbədi iyən yolə erjinə olqoş bə vucudış varde.

Ə Həzrət muxtəlif canqonədə dınyo şiəyon i minnə İmomi kənoədə be iyən deştə qiramiyə dədə de kufr iyən nifağ mubarizə bardedəş be ijən peşo İmom Ali şəhodəti bəpeştə islamiyə umməti rəhbərəti karde sahədə çı İmom Həsən(ə) iyən İmom Huseyn(ə) yar-yavər be.

İroni təğvimədə Həzrəte Əbbos(ə)-i mevludə ruj canbazon ya xot veteranon ruj ğeyd bıə.

İroni milləti Həzrəte Əbulfəzl(ə) moəku bıə ruji iyən şəvədə de mığəddəsə vıronədə bıə mərasimonədə iştirok karde şoə ləhzəon dəbəvoneydən.

Tolışi Rədio tərəfiku eşğ və fədokorəti boydəği rostəkə, Həzrəte Əbulfəzl(ə) mevlud ruji bə həmmə mısılmonon və həmmə ozodpərvəron təbrik ərz kardedəmon.