İnğilabi rəhbər:vıjnımoni səbarz ironi millət iyən islamiyə respublika nizome.
Həzrət ayətullah Xamenei zinə mayə manqi 19 minnə ruji vıjnımoni mınosibətiku qıləy mesajış do və işarəş karde vıjnımoni səbarz bə tərəf ironi millət və islamiyə respublika nizome ki deşmenon fitnəqərə hərəkəton iyən fəaliyyəton kənoədə zınəşone ım yolə milləti bovə bəştə tərəf cəlb karde və ha devrədə ıştəku qıləy tojə novraniyyət nışon bıdə.
Bə yolə rəhbəri dəftərxonə məlumat ərornə mərkəzi elanon əsosi islamiyə inğilabi yolə rəhbəri həzrət ayətullah Əl-uzma Xamenei ım mesajədə əlavəş karde vıjnımonədə cəmaəti əzəmətin iyən hərarətinə huzur və sədo doeyu dırozə səfon təşkil doe ki həmmə vıronədə və həmmə qruponədə bıə odəmon huzuri şohid bimon bə islamiyyəti əsosi demokratiya binovrəon zumandətiku iyən həmmə milləti vahidə hərəkətiku qıləy oşkoə nışonəy və İron iyən ironıjış elmiyə meydoni imtıvonədə səbarz və sıpi dimış karde.
islami inğilabi yolə rəhbəri votışe: islamiyə İron ijən çəmə nıpiyəkəson və kinəinə odəmon və pəxilə odəmonış bə domo nışande və ıştə bəyonoton dəvomədə əlavəş karde millət vıjnımoni bəpeştə bə vəhdət və umumiyə ittifağ fik bıkən ki be şək milliyə zumandəti iyən iğtidari muhimmə dəlilinku heste və həmmə hərəkət bıkən bə yolə hədəfon tərəfi məmləkəti bə nav bardeyu ıştə vəzifə bıznon və çəy domoədə bıbon.
Həzrət Ayətullah Əl-uzma Xamenei həmçinin bə president və həmmə kəsoni ki omə devlətdə iştirak bəkan sifarışış karde məmləkəti problemon həl kardeyu de ciddiyə niyyəti ko və fəaliyyət bıkən səhih fik bıkən iyən bənə cıvonmerdon fəaliyyət nışon bıdən və I ləhzə həm çı rostə xəttiku ğəflət nıkən və bə zəifə odəmon və bə zəifə odəmon diğğət bıbo bə di odəmon iyən fəğırə məntəğon əhəmmiyyət doə bıbo bə əsosə planon diğğət doə bıbo həmçinin de fəsot və ictimaiyyətdə bıə ziyanon vədə mande bəpe bərnamon əvvələdə ğəror bıqəto.
islami inğilabi yolə rəhbəri ım mesajədə vıjnımonədə həmmə iştirak kardəkəsonku əzəmətinə mərcə təğlidon iyən yolə alimony ali məktəbi elitəon iyən siyasi mədəni honəriyə şəxsiyyəton prezidenti namzədon vıjnımoni icra kardə kəson iyən bə vıjnımoni nəzorət kardəkəson vıjnımoni əmniyyəti təmin kardə kəson həmçinin milliyə telerədyoku təşəkkurış karde.
bə İron İslam Respublika prezidentəti vıjnımoni 12 minnə mərhələ nəhaiyə nəticə elanon əsosi ki cumə ruji İron və dınyo 102 qılə məmləkətdə bərpo be Həsən Ruhani ım vıjnımoni namzəd 23 milyonisə veyə sədo bə dast vardeədə ijən islamiyə ironi president be.
