İmom Zəmon(əc)-i moəku bıə ruj ...

Həzrəte Məhdi(əc) Hicri Ğəməri 255-nə sori Şəbanə manqi 15-nə ruji sıbə faxtədə, İraği Samirə şəhrədə bə dınyo omə.

İroni millət və dınyo şiəyon bə Həzrəte İmom Zəman(əc)-i milodi sorəqardışi xoto de mığəddəsə vıronədə işteraki, şoə mərasimon dəvonedən, və de Şini və şərbət pevolo karde, məddohi mərosim çı Həzrəte Məhdi(əc) mevlud ruji və şəvi xoto ıştə irodəti bə Həzrəte Vəli-Əsr(əc) nışo doydən.

Həzrəte Məhdi(əc) təvəlludi bəpeşt 5 sor ıştə buzurqvarə dədə sərpərəsti jintonədə iyən nimə məxfi surəti jimon əki.

İmom Həsən Əskəri(ə) şəhodəti bəpeşt rəsmən İmom Zəmon(ə)-i kırtə ğeybət yaxud ğeybəte suğra bino be ki tosə ğəməri 329-ə sori dəvom peydoş karde, həminə ğeybəti mıddətədə Həzrət de xısusi səlohiyətinə nayibon de milləti rabitəş be və əvoni rəhbərəti əki.

2-nə ğəybət həm de i minə dıvrə və mərhələ ğeybəti bə oxo rəse yəni Ğəməri 329-ə soriku bino be və ta  zuhuri vaxti iyən ə Həzrəti ğiyomi zəmon dəvom peydo bəkarde.

Çı İmom Zəman(əc)-i qiromiyə pıə, şiəyon 11 minə İmom, Həzərte İmom Həsən Əskəri(ə) və Həzrəti buzurqvarə moə Xanım Nərcis Xatun be.