İron və Amerkə atom muzakiron Məsğətdə bino bə

İroni xarici koon vəziri votışe: İron de ojə çəşon və dəvardə sori hadisəon yoddə benıkardeədə bə diplamatikə ro daxil bə.

əmə de çokə niyyəton bə muzakirə daxil bedəmon və eyne holədə ve ciddi ıştə həxi roədə mandəmon.

Bə doə vədəon bəpe ehtırom noə bıbo,vırə iyən mərtəbədə bərobərəti bıbo, 2 tərəfə ehtırom və 2 tərəfə foydəon sırf təyliyə sıxan ni bəlkə qıləy zərurəte və qıləy dəvominə sazışi binovrə bə hisob omedə.

Ərağçi ki atom muzakiron və sanksiyaon peqəteyu bə Məsğət səfərış kardə ımruj zuhriku nav de Ommanı xarici koon vəziri Bədr Əlbusəidi vindımon və İron-Amerkə muzakiron çı curə bə nav barde həxədə votımonış dəvoniyə.