"İnğılobi Dıminə Qəmi bəyoniyyə“-3

Bə ayəndə nəzə çe "İnğılobi Dıminə Qəmi bəyoniyyədə" tərsim kardey bıə.İslomi İnğılobi Yolə Rəhbər Həzrət Ayətullah Xameneyi bın bəyoniyyədə cıvononış mıxotəb ğərol doə və bə izzət iyən navşemoni roy dəvomi təkid kardəşone.

əmniyyət və mıdofiyə sektorədə dıminə qəm bəpe bə”Mıdofiyə Kəşfiyyoti” əsos bıbu.yəni bənə okkuye zumandəti cəhətədə suni intellekt,kiber iyən biotexnoloqiya bıə texnoloqiyaku maksimum dərəcədə istifodə kardey.

Həmçinin kəştiromey iyən enerji xətton əmniyyəti təminiro çe dıyo ğıvvon zumandəti dəvom və bənə milli suverenəti nuyə marzon unvoni kibermıdofiyə inkişof doey,çe prioritetə məsələonkuye.bın royədə elmi iyən mıdofiyə təhğıği mərkəzonədə çe elitə cıvonon rol əsosine.

Çoko ki,çe inğılobi iminə nəsl deştə imoni kişfərışon çe canqiku mıhofizəşon karde və dıminə nəsl deştə elmi mıdofiyə sənayeşon one,seminə nəsl həm bəpe de barzə texnoloqiya iyən təşəbbısi nuyə əsrədə çe ironi əmniyyəti təzmin bıko.